ट्रम्पले रोके गर्भपतनका लागि दिइने सरकारी सहायता

काठमाडौँ, १२  माघ : अमेरिकी राष्ट्रपति डोनाल्ड ट्रम्पले गर्भपतनका लागि दिइने सरकारी सहायता रोक्न कार्यकारी आदेश जारी गरेका छन्।

गर्भपतनका लागि राज्यबाट सहायता दिने प्रावधानलाई हाइड संशोधन भनिन्छ। यो पहिलोपटक १९८० मा लागू गरिएको थियो। यद्यपि, त्यसबेलादेखि यसमा धेरै पटक सुधार गरिएको छ।

यसअघिका राष्ट्रपति जो बाइडेनले यो कानुन खारेज गर्ने प्रयास गरेका थिए तर असफल भए। ट्रम्पले जारी गरेको कार्यकारी आदेशमा बाइडेन प्रशासनले यसलाई धेरै हदसम्म बेवास्ता गरेको आरोप लगाइएको छ।

यो कानुनले प्रायः सरकारी चिकित्सा कार्यक्रमअन्तर्गत कम आय भएका महिलाका साथै सैन्य र सरकारी कर्मचारीलाई असर गर्छ।सर्वोच्च अदालतका लागि चयन गरिएका ट्रम्पको एक न्यायाधीशले दशकौँ पुरानो कानुन खारेज गर्दै भने- अमेरिकामा गर्भपतन नीति  राज्यहरू आआफ्नै निर्धारण गर्नुपर्छ।

अमेरिकामा जन्मेका आधारमा नागरिकता पाउने व्यवस्था हटाउने ट्रम्पको आदेशमा अस्थायी रोक

अमेरिकी भूमिमा जन्मेका शिशुहरू स्वतः त्यहाँको नागरिक हुने व्यवस्था अन्त्य गर्ने गरी राष्ट्रपति डोनल्ड ट्रम्पले गरेको कार्यकारी आदेशमा सिआटलका एक सङ्घीय न्यायाधीशले अस्थायी रोक लगाइदिएका छन्।

यूएस डिस्ट्रिक्ट कोर्टका न्यायाधीश जोन कफ्नरले उक्त आदेश “स्पष्ट रूपले असंवैधानिक” रहेको बताउँदै दुई साताका लागि त्यो कार्यान्वयन गर्नमा तत्काल रोक लगाएका छन्।

उक्त निर्णय फेब्रुअरी १९ देखि जन्मिने शिशुहरूका हकमा लागु हुने अमेरिकी न्याय मन्त्रालयले पेस गरेको कानुनी दस्ताबेजमा उल्लेख थियो।

ट्रम्पले आफ्नो प्रशासनले उक्त निर्णयविरुद्ध पुनरावेदन गर्ने बताएका छन्।

बिहीवार २५ मिनेट लामो सुनुवाइपछि उक्त आदेश कार्यान्वयन गर्न अन्तरिम रोकको आदेश दिइएको थियो।

यसको अर्थ अबको १४ दिन थप कानुनी प्रक्रियाहरू रोकिनेछन्।

चार राज्यको तर्क

चार अमेरिकी राज्यहरू वाशिङ्टन, एरिजोना, इलिनोई र ओरिगनले उक्त मुद्दा अघि सार्दै जन्मका आधारमा नागरिकता प्राप्त गर्ने हक संवैधानिक रहेको र राष्ट्रपतिसँग संविधान संशोधन गर्ने अधिकार नभएको बताएका थिए।

उनीहरूले उक्त आदेश कार्यान्वयन भएमा आफ्ना राज्यहरूले “तत्काल र अपूरणीय क्षति बेहोर्ने” तर्क गरेका थिए।

न्याय मन्त्रालयले ती राज्यहरूले अघि सारेका मुद्दाले अस्थायी रोक लगाउने कुनै अभूतपूर्व कदम चाल्न आवश्यक नरहेको तर्क गरे तापनि न्यायाधीश त्यसमा असहमत भए।

कागजातबिना अमेरिकामा रहेका आप्रवासी र विदेशी आगन्तुकबाट जन्मिएका शिशुले पाउने नागरिकताको अधिकार अन्त्य गर्ने ट्रम्पको प्रयासविरुद्ध त्यहाँ अन्य कैयौँ मुद्दाहरू समेत परेका छन्।

संवैधानिक व्यवस्था

चार अमेरिकी राज्यले ट्रम्पको आदेशविरुद्ध मुद्दा दर्ता गरेका थिए
तस्बिरको क्याप्शन,चार अमेरिकी राज्यले ट्रम्पको आदेशविरुद्ध मुद्दा दर्ता गरेका थिए

अमेरिकी भूमिमा जन्मने सबै जनाले स्वतः त्यहाँको नागरिकता पाउने व्यवस्था अमेरिकी संविधानमा सुरुमा थिएन।

तर गृहयुद्ध अन्त्य भएपछि स्वतन्त्र पारिएका, अमेरिकामा जन्मिएका ‘पूर्वदास’हरूलाई सम्बोधन गर्ने गरी सन् १८६८ मा यस व्यवस्था थपिएको थियो। अमेरिकी संविधानको १४औँ संशोधनमा यो विषय समावेश छ।

बहसका क्रममा न्यायाधीश कफ्नरले ट्रम्प प्रशासनका एक वकिललाई कार्यकारी आदेशको मस्यौदा बनिरहँदा “वकिलहरू कहाँ थिए” भनेर सोधेका थिए।

यो आदेश संवैधानिक भएको उनको दाबीका लागि आलोचना गर्दै न्यायाधीशले सचेत गराए।

“यसले मेरो दिमागमा अन्योल सिर्जना गर्छ,” ती न्यायाधीशले भने।

सङ्घीय सरकारको तर्क

ह्वाइट हाउस

तस्बिर स्रोत,EPA

तस्बिरको क्याप्शन,राष्ट्रपति ट्रम्प यसै साता ह्वाइट हाउस फर्किएका छन्

ह्वाइट हाउस फर्किएयता चरणबद्ध रूपमा एकतर्फी आदेशहरू दिइरहेका ट्रम्पले लामो समयदेखि यस्तो परिवर्तन गर्ने बताउँदै आएका थिए।

खबरहरूका अनुसार ट्रम्प प्रशासनले उक्त आदेश कार्यान्वयन गर्ने क्रममा अयोग्य हुने भनिएकाको राहदानीजस्ता कागजातहरू रोक्का गर्ने योजना बनाएको थियो।

तर न्यायाधीशले ती सबै खाले कार्यान्वयनका उपायमा अस्थायी रोक लगाउन भनेका छन्।

वाशिङ्टन राज्यका तर्फबाट बहस गरेका एक वकिलले ट्रम्पको उक्त आदेशले देशलाई “देशको एउटा अँध्यारो अध्यायमा फिर्ता पुर्‍याउने” तर्क गरेका थिए।

ती राज्यहरूको मुद्दासम्बन्धी दस्ताबेजमा अमेरिकामा सन् २०२२ मा मात्र कागजात नभएका आमाहरूबाट २ लाख ५५ हजार बालबालिकाहरू जन्मिएको उल्लेख गरिएको छ।

बीबीसीबाट ।

प्रधानमन्त्री कपकप महिला क्रिकेट : उपाधिका लागि एपीएफ र सुदूरपश्चिम खेल्दै

काठमाडौं । प्रधानमन्त्री कप महिला राष्ट्रिय क्रिकेट प्रतियोगिताको उपाधि भिडन्त आज हुँदै छ । उपाधिका लागि नेपाल एपीएफ क्लब र सुदूरपश्चिम प्रदेशबीच प्रतिस्पर्धा हुँदै छ ।

धनगढीस्थित फाप्ला क्रिकेट मैदानमा विहान ९ बजेदेखि खेल सुरू हुनेछ । पीएम कपको साविक विजेता समेत रहेको एपीएफ यस प्रतियोगितामा अपराजित छ ।

समूह चरणमा तीनवटा खेल जित्दा एउटा वर्षाले रद्द भएको थियो भने सुपर फोरमा दुवै खेल जितेको थियो । सुदूरपश्चिमले समूह चरणमा एपीएफसँग हार व्यहोरेको थियो भने सुपर फोरमा त्रिभुवन आर्मीसँग पराजित भएपनि अन्तिम खेलमा बागमतीलाई जित्दै नेटरनरेटमा भाग्यमानी साबित भएको थियो ।

इन्दु बर्माको कप्तानीमा रहेको एपीएफ उपाधिको दाबेदार टोलीको रूपमा छ । सुदूरपश्चिम पहिलोपटक उपाधि जित्न चाहन्छ ।

महिला पीएम कप सकिएपछि अब केही दिनमा त्रिवि क्रिकेट मैदानमा नेपाल, नेदरल्याण्ड्स र थाइल्याण्ड सम्मिलित महिला टी२०आई श्रृंखला पनि हुँदैछ ।

नेपाल प्रहरीका ३७ जना डिएसपीको एसपीमा बढुवा सिफारिस, पहिलोमा चन्द

काठमाडौं, १२ माघ ।
नेपाल प्रहरीमा ३७ जना नायब उपरीक्षकबाट उपरीक्षकमा बढुवा सिफारिस भएका छन्।

बढुवा समितिले शुक्रवार राति प्रकाशित गरेको बढुवा सिफारिस सूचीको पहिलो नम्बरमा सुदूर पश्चिमका कुलदीप चन्द छन्। मूल्यांकनमा सर्बाधिक अंक प्राप्त गरेका चन्द सोही आधारमा पहिलो नम्बरमा सिफारिस भएका हुन् ।

सिफारिस हुनेमा सुमित खड्का, ठाकुर प्रसाद पोखरेल, मनोहर प्रसाद भट्ट, दिपक गिरी, नवीन कृष्ण भण्डारी, तिलक भारती, केशव कुमार थेवे, सुर्य खड्का, दिपक श्रेष्ठ, प्रेम बहादुर शाही, टेक बहादुर कार्की क्षेत्री, फणीन्द्र प्रसाईँ र शरत  कुमार थापा क्षेत्री रहेका छन् ।

त्यस्तै बढुवा सिफारिस हुनेमा युवराज खड्का, राजन चापागाईँ, किशोर कुमार श्रेष्ठ, मुकुन्द प्रसाद रिजाल, पवन कुमार भट्टराई, रवीन्द्र नाथ पौडेल, दान बहादुर थापा, सुदिप राज पाठक, निशान थापा, कवित कटवाल, रामेश्वर पौडेल, रुकेश तन्डुकार, दधिराम न्यौपाने र नवीन कार्की छन् ।

सिफारिस हुने अन्य अधिकृतहरूमा श्याम कुमार सारुमगर, नरेन्द्र कुँवर, नारायण प्रसाद अधिकारी, भेषराज रिजाल, निर्मल बुढाथोकी, नवराज मल्ल, डिल्ली नारायण श्रेष्ठ, लालध्वज सुवेदी र रुगम बहादुर कुँवर छन् ।

 

अमेरिकी डलरको मूल्यमा गिरावट

काठमाडौँ, १२ माघ गते ।

नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ ।

निर्धारित विनिमयदरअनुसार अमेरिकी डलरको मूल्य आज भने घटेको छ । यस्तै, स्विस फ्र्याङ्क, साउदी अरेबियन रियाल, कतारी रियाल, युएई दिराम, हङकङ डलर, कुवेती दिनार, बहराइन दिनार, ओमनी रियालको भाउ भने घटेको छ । त्यस्तै, केही विदेशी मुद्राको भाउ भने अघिल्लो दिनको तुलनामा स्थिर छ । विनिमयदरअनुसार, युरोपियन युरो, युके पाउन्ड स्ट्रलिङ, अष्ट्रेलियन डलर, क्यानेडियन डलरलगायतको मूल्य बढेको छ ।

राष्ट्र बैङ्कका अनुसार आजका लागि अमेरिकी डलर एकको खरिददर एक सय ३७ रुपैयाँ ६४ पैसा र बिक्रीदर एकसय ३८ रुपैयाँ २४ पैसा कायम भएको छ । युरोपियन युरो एकको खरिददर एक सय ४४ रुपैयाँ ३६ पैसा र बिक्रीदर एक सय ४४ रुपैयाँ ९९ पैसा, युके पाउन्ड स्ट्रलिङ एकको खरिददर एक सय ७० रुपैयाँ ९४ पैसा र बिक्रीदर एक सय ७१ रुपैयाँ ६८ पैसा, स्विस फ्र्याङ्क एकको खरिददर एक सय ५२ रुपैयाँ ०४ पैसा र बिक्रीदर एक सय ५२ रुपैयाँ ७० पैसा कायम गरिएको छ ।

अष्ट्रेलियन डलर एकको खरिददर ८६ रुपैयाँ ९५ पैसा र बिक्रीदर ८७ रुपैयाँ ३३ पैसा, क्यानेडियन डलर एकको खरिददर ९६ रुपैयाँ ०४ पैसा र बिक्रीदर ९६  रुपैयाँ ४६ पैसा, सिङ्गापुर डलर एकको खरिददर एक सय ०२ रुपैयाँ १७ पैसा र बिक्रीदर एक सय ०२ रुपैयाँ ६१ पैसा निर्धारण गरिएको छ ।

जापानी येन १० को खरिददर आठ रुपैयाँ ८३ पैसा र बिक्री दर आठ रुपैयाँ ८६ पैसा, चिनियाँ युआन एकको खरिददर १९ रुपैयाँ र बिक्रीदर १९ रुपैयाँ ०८ पैसा,साउदी अरेबियन रियाल एकको खरिददर ३६ रुपैयाँ ६९ पैसा र बिक्रीदर ३६ रुपैयाँ ८५ पैसा, कतारी रियाल एकको खरिददर ३७ रुपैयाँ ७५ पैसा र बिक्रीदर ३७ रुपैयाँ ९२ पैसा कायम भएको छ ।

केन्द्रीय बैङ्कका अनुसार थाई भाट एकको खरिददर चार रुपैयाँ ०९ पैसा र बिक्रीदर चार रुपैयाँ ११ पैसा, युएई दिराम एकको खरिददर ३७ रुपैयाँ ४७ पैसा र बिक्रीदर ३७ रुपैयाँ ६४ पैसा, मलेसियन रिङ्गेट एकको खरिददर ३१ रुपैयाँ ४४ पैसा र बिक्रीदर ३१ रुपैयाँ ५८ पैसा, साउथ कोरियन वन एक सयको खरिददर नौ रुपैयाँ ६१ पैसा र बिक्रीदर नौ रुपैयाँ ६५ पैसा, स्विडिस क्रोनर एकको खरिददर १२ रुपैयाँ ६१ पैसा र बिक्रीदर १२ रुपैयाँ ६६ पैसा र डेनिस क्रोनर एकको खरिददर १९ रुपैयाँ ३५ पैसा र बिक्री दर १९ रुपैयाँ ४३ पैसा तोकिएको छ ।

राष्ट्र बैङ्कले हङ्कङ डलर एकको खरिददर १७ रुपैयाँ ६७ पैसा र बिक्रीदर १७ रुपैयाँ ७५ पैसा, कुवेती दिनार एकको खरिददर चार सय ४६ रुपैयाँ ८० पैसा र बिक्रीदर चार सय ४८ रुपैयाँ ७५ पैसा, बहराइन दिनार एकको खरिददर तीन सय ६५ रुपैयाँ १३ पैसा र बिक्रीदर तीन सय ६६ रुपैयाँ ७२ पैसो ओमनी रियाल एकको खरिददर तीन सय ५७ रुपैयाँ ५९ पैसा र बिक्रीदर तीन सय ५९ रुपैयाँ १५ पैसा तोकिएको छ । यस्तै, भारतीय रुपैयाँ एक सयको खरिददर एक सय ६० रुपैयाँ र बिक्रीदर एक सय ६० रुपैयाँ १५ पैसा निर्धारण भएको छ ।

राष्ट्र बैङ्कले यो विनिमयदरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैङ्कले तोक्ने विनिमयदर भने फरक हुनसक्ने र अद्यावधिक विनिमयदर केन्द्रीय बैङ्कको ‘वेबसाइट’मा उपलब्ध हुने जनाइएको छ ।

एसएसपी अधिकारी काठमाण्डौंको प्रहरी प्रमुख नियुक्त

काठमाण्डौं, १२ माघ ।
जिल्ला प्रहरी परिसर, काठमाडौंको प्रमुखको जिम्मेवारी प्रहरी वरिष्ठ उपरीक्षक(एसएसपी) विश्व अधिकारीले पाएका छन् ।

नेपाल प्रहरीको सह प्रवक्ता तथा सूचना अधिकारीको जिम्मेवारीमा रहेका प्रहरी वरिष्ठ उपरीक्षक अधिकारीले जिल्ला प्रहरी परिसर काठमाण्डौंको प्रमुखको जिम्मेवारी पाएका हुन् ।

नेपाल प्रहरीको नीति तथा योजना निर्माणमा भूमिका खेल्दै आएका अधिकारी प्रहरी मेरो साथीको परिकल्पनाकारका रुपमा चिनिन्छन् ।

१८ जना एसएसपीको सरुवा हुदा महानिरीक्षकको सचिवालयमा रहेका अधिकारीको सरुवा प्रहरी परिसर काठमाण्डौंमा भएको हो । काठमाडौं उपत्यका अपराध अनुसन्धान कार्यालयको प्रमुखमा एसएसपी रमेश बस्नेतको सरुवा भएको छ ।

नेपालगन्ज म्याराथनका संस्थापक ठकुरी एम्सको दुत नियुक्त

नेपालगन्ज ।

नेपालगन्ज म्याराथनका संस्थापक टीएस ठकुरी विश्व म्याराथनको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस(एम्स)को दुत नियुक्त भएका छन् ।

एम्सका नवनिर्वाचित अध्यक्ष पाको बोराओले हालै ठकुरीलाई नेपालका लागि एम्सको दुत नियुक्त गरिएको मनोनयन पत्र पठाएका हुन् ।

‘हामी तपाईंसँगको सहकार्यले विश्वभर रोड रनिङलाई प्रोत्साहन र प्रबद्र्धन गर्ने एम्सको लक्ष्य प्राप्ति हुने अपेक्षा गर्दछौं ।’ अध्यक्ष बोराओले पत्रमा उल्लेख गरेका छन् ,‘तपाईंको नेपालगन्ज म्याराथन आयोजकका रुपमा लामो समयको अनुभवलाई आत्मसात गर्दै हालै सम्पन्न एम्सको वर्ल्ड कंग्रेसमा तपाईंको उत्कृष्ट प्रस्तुति हेरेपछि हामी तपाईंलाईं नेपालका लागि दुत नियुक्त गर्ने निर्णयमा पुगेका हौं । तपाईंले नेपालमा रोड रनिंगको विकासमा एम्सको प्रतिनिधित्व गर्दै समन्वय गर्नुहुनेछ भन्ने अपेक्षा गरेका  छौं ।’

नेपालगन्ज म्याराथन नेपालबाट एम्सको पुर्णकालीन सदस्यता प्राप्त गर्ने पहिलो म्याराथन आयोजक हो ।

एम्सको इतिहासमा पहिलोपटक जापानको ओसाकामा भएको २३औं वर्ल्ड कंग्रेसमा ठकुरीले नै भाग लिएका थिए । विश्व समुदायलाई नेपालसम्बन्धि जानकारी गराउन ठकुरीले नेपाल रनिङ म्यागजिन समेत प्रकाशन गर्दै आएका छन् ।

एम्सको दुतका रुपमा ठकुरीले एम्सका सदस्यता विषयमा नेपालभित्र रेस डाइरेक्टर तथा आयोजकलाई सुचित गर्नुपर्नेछ । साथै एम्सका गतिविधिलाई समन्वयकर्ताका रुपमा कार्य गर्नु, रनिङ समुदायमा हुने विवाद वा त्यस्ता बिषयका बारेमा एम्सको बोर्ड समक्ष निरन्तर रिपोर्टिंङ गर्नुपर्नेछ । एम्सको उद्देश्य र सदस्यताबाट हुने फाइदाका बारेमा रेस डाइरेक्टरलाई बुझाउँदै सदस्यता बिस्तार कार्यलाई प्रबद्र्धन गर्नुपर्नेछ ।

एम्सको दुत नियुक्त भएपछि नेपालगन्ज म्याराथनका संस्थापक ठकुरीले खुशी व्यक्त गरे । यसका लागि उनले सिंगो नेपालगन्जवासीप्रति आभार प्रकट गरे ।

‘धारा नेपालगन्ज म्याराथनसँग सहकार्य गर्ने राज्यका निकाय तथा प्राइभेट सेक्टर तथा समस्त सराकोरवाप्रति आभारी छु ।’ ठकुरीले भने,‘सिंगो नेपालगन्जवासीलाई धन्यवाद दिन चाहन्छु ।’

नेपालगन्ज म्याराथनको दशक यात्रा पुरा गर्ने क्रममा कर्णाली हाफ म्याराथन, नेपालगन्ज १०किमी नाइट रन, राप्तीसोनारी नेचर रन र गौघाट ग्रीन रनले आफ्‌नो यात्रा आरम्भ गरिसकेका छन् । बौद्धिक बहस गर्ने थलोका रुपमा नेपालगन्ज कनक्लेव समेत निरन्तर आयोजना हुँदै आएको छ ।

खेलकुद संस्कृति प्रवद्र्धनमा समर्पित भएका कारण इटालीको मिलानमा हेडक्वार्टर रहेको विश्वव्यापी संस्था फेडरेसन अफ इन्टरनेसनल सिनेमा टेलिभिजन स्पोर्ट्‌स(फिक्ट्स)ले समेत यअसघि ठकुरीलाई नेपालका लागि दुत नियुक्त गरिसकेको छ । अब ठकुरी दुई वटा अन्तर्राष्ट्रिय संस्थाका लागि नेपालको दुत भएर काम गर्ने अवसर प्राप्त गरेका छन् । यसले भावी पुस्तालाई यी दुवै फोरम सिक्ने अवसर प्राप्त हुने ठकुरीले बताए । यी दुवै जिम्मेवारीले नेपालमा दौड संस्कृतिको प्रवद्र्धनमा आक्रामक ढंगले अघि बढ्दै समग्र खेलकुद संस्कृतिको विकासमा लाग्न अभिप्रेरित गरेको ठकुरीले बताएका छन् ।

एम्स संसारभर एक सय बीस देशमा झण्डै साढे चार सय रेस आयोजकहरु सदस्य भएको विश्वव्यापी संरचना भएको संस्था हो । एम्सको हालै भियतनामको हनोईमा भएको २४औं वर्ल्ड कंग्रेसमा नेपालगन्ज म्याराथनले २५औं वर्ल्ड कंग्रेस नेपालमा आयोजना गर्नका लागि दाबी पेश गर्दा ६५ मत प्राप्त गर्न सफल भएको थियो । त्यसमा नर्वेको मिडनाइट सन म्याराथनले ८७ मत प्राप्त गरी वर्ल्ड कंग्रेस आयोजनाको अधिकार लिएको थियो ।

दशौं धारा नेपालगन्ज म्याराथन गत मंसिर २२ गते सम्पन्न भएको थियो । नेपाली सेनाका खडकबहादुर खड्काले उपाधि जितेका थिए । त्यसैगरी हाफ म्याराथनमा सन्तोषी श्रेष्ठले लगातार चौथोपटक उपाधि रक्षा गर्न सफल भइन् ।

अछाममा एमाले : वडा कमिटी नै रावलको अभियानमा समाहित

अछाम – अछाममा नेकपा एमालेको वडा कमिटि नै भीम रावल नेतृत्वको मातृभूमि जागरण अभियानमा समाहित भएको छ । एमाले साँफेबगर–१० को वडा कमिटी नै रावलको अभियानमा लागेको हो ।

आज भएको मातृभूमि जागरण अभियान नेपालको कार्यकर्ता भेलामा एमालेको वडा कमिटी नै रावलको अभियानमा समाहित भएको हो ।

प्रधानमन्त्री कप राष्ट्रिय महिला क्रिकेट : बागमतीमाथि सुदूरपश्चिमको जित

धनगढी । कैलालीको धनगढीमा जारी प्रधानमन्त्री कप राष्ट्रिय महिला क्रिकेट प्रतियोगितामा सुदूरपश्चिम प्रदेश विजयी भएको छ ।

फाप्ला क्रिकेट मैदानमा आज भएको सुपरफोर चरणको खेलमा सुदूरपश्चिमले बागमतीलाई ३० रनले पराजित गरेको हो ।

सुदूरपश्चिमको जितमा ऋतु कनौजियाले अविजित ३४, करिस्मा थापाले १६ र कविता कुँवरले १३ रनको योगदान दिइन । टस जितेर ब्याटिङ गरेको सुदूरपश्चिमले निर्धारित २० ओभर खेल्दै सात विकेटको नोक्सानमा ११२ रन बनाएको थियो ।

बागमतीलाई सोनु खड्का र मनिषा उपाध्यायले सामान तीन(तीन विकेटको सफलता दिलाएकी थिइन ।

११३ रनको जित लक्ष्य पछ्याउन जवाफी ब्याटिङ गरेको बागमती प्रदेश अन्तिम दुई बल बाँकी छँदा आफ्नो सबै विकेट गुमाएर ८२ रन मात्रै बनाएपछि सुदूरपश्चिमले जित हात पा¥यो । बागमतीका लागि यशोदा विष्टले ३० र हेलिसा गुरुङले २३ रन बनाइन् ।

बलिङ गर्दै सुदूरपश्चिमका लागि कविता कुँवर र करिस्मा थापाले दुई(दुई विकेट लिइन । त्यस्तै, आशिका महरा र ऋतु कनौजियाले एक(एक विकेट लिनुभयो । खेलमा ३४ रन बनाउनुका साथै एक विकेट लिएकी कनौजिया प्लेयर अफ द म्याच घोषित भएकी छन् ।

 

ट्रम्पको निर्वासन अभियान पछि अमेरिकामा सयौं आप्रवासी पक्राउ

एजेन्सी– अमेरिकी राष्ट्रपति डोनाल्ड ट्रम्पले सामूहिक निर्वासन अभियान सुरु गरेसँगै अमेरिकामा रहेका सयौँ आप्रवासीलाई बिहीबार पक्राउ गरिएको र केहीलाई सैनिक विमानमार्फत देश बाहिर लगिएको ह्वाइट हाउसले जनाएको छ।

राष्ट्रपति ट्रम्पले शुक्रबार क्यालिफोर्निया र नर्थ क्यारोलिनाको आफ्नो पहिलो भ्रमण गर्ने तयारी गरिरहेका बेला आप्रवासीहरूलाई पक्राउ गरिएको खबर सार्वजनिक भएको हो।

ह्वाइट हाउसकी प्रेस सचिव कारोलिन लेभिटले ट्रम्प प्रशासनले बिहीबार ५३८ जना अवैध आप्रवासी अपराधीलाई पक्राउ गरेको र सयौंलाई सैनिक विमानमार्फत देश निकाला गरिएको बताएकी छन्।

’इतिहासकै सबैभन्दा ठूलो निर्वासन अभियान चलिरहेको छ,’ उनले सामाजिक सञ्जाल एक्समा लेखेकी छन्।

ट्रम्पले चुनावी अभियानका क्रममा अवैध आप्रवासनविरुद्ध कडा कदम चाल्ने वाचा गरेका थिए र यसै साता आफ्नो दोस्रो कार्यकालको सुरुवात संयुक्त राज्य अमेरिकामा प्रवेशमा सुधार गर्ने उद्देश्यले कार्यकारी निर्णयमा यसलाई समावेश गरेका थिए।

राष्ट्रपतिको रूपमा आफ्नो पहिलो हप्ताको दोस्रो दिन ट्रम्पले भारी आयात करको साथ प्रहार गर्ने आफ्नो निर्वाचन अभियानमा बारम्बारको प्रतिज्ञाका बावजुत फक्स न्यूजसँगको अन्तवार्तामा भने, “अमेरिकाको सबैभन्दा ठूलो आर्थिक प्रतिद्वन्द्वी (चीन) लाई भारी आयात करको साथ प्रहार गर्ने आफ्नो बारम्बार प्रतिज्ञाका बावजुत चीनमाथि तत्काल कर वृद्धि हुनेछैन।”

उहाँले उत्तर कोरियाली नेता किम जोङ उनसँग आफूले यसअघि तीन पटक भेटेको र उहाँलाई ‘स्मार्ट मान्छे’ को संज्ञा दिएका थिए

आफ्नो कार्यकालको पहिलो दिन नै राष्ट्रपति ट्रम्पले दक्षिणी सीमामा ‘राष्ट्रिय आपतकालीन अवस्था’ घोषणा गर्ने आदेशमा हस्ताक्षर गर्नुभएको थियो र आप्रबासीलार्ई ‘आपराधिक एलियन’ को संज्ञा दिँदै उनीहरूलाई देश निकाला गर्ने वाचा गर्दै त्यस क्षेत्रमा थप सेना तैनाथ गर्ने घोषणा गरेका थिए। संयुक्त राज्य अमेरिकामा अनुमानित एक करोड १० लाख गैरकानुनी आप्रवासी छन्।

बिहीबार न्यूजर्सीको नेवार्क शहरका डेमोक्र्याटिक मेयर रास बाराकाले एक विज्ञप्ति जारी गर्दै भने, “अध्यागमन र भन्सार प्रवर्तन (आईसीई) का एजेन्टहरूले “एक स्थानीय प्रतिष्ठानमा छापा मारेको र बिना कागजात वा अवैध कागजातबाहक विदेशी निवासीलाई हिरासतमा लिइएको छ।”

बाराकाका अनुसार छापामार्ने क्रममा पक्राउ परेकामध्ये एक जना अमेरिकी सेनाका भूतपूर्व सैनिक थिए।

आईसीईले एक्समा अद्यावधिक गरेको रिपोर्टमा ‘५३८ जनाको गिरफ्तारी गरी र ३७३ जनालाई हिरासतमा राखिएको’ जानकारी गराइएको छ।

आइसिईले आपराधिक अभियोगमा पक्राउ परेका र अमेरिकी कानून अनुसार निर्र्वासित गर्न सकिने गैर–नागरिकहरूलाई हिरासतमा राख्छ।

अमेरिकी डलरको मूल्यमा पुनः बृद्धि

काठमाडौँ, ११  माघ । नेपाल राष्ट्र बैंकले आजका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलरको मूल्य आज पुनः बढेको छ । निर्धारित दरअनुसार साउदी अरेबियन रियाल, कतारी रियाल, युएई दिराम, हङकङ डलर, कुवेती दिनार, बहराइन दिनार, ओमनी रियालको भाउ बढेको छ ।

यस्तै, युरोपियन युरो, युके पाउन्ड स्ट्रलिङ, स्वीस फ्र्याङ्क, अष्ट्रेलियन डलर, क्यानेडियन डलर, सिङ्गापुर डलर, चिनियाँ युआन, जापानी येन, थाई भाट, साउथ कोरियन वन, स्वीडिस क्रोनर, डेनिस क्रोनरको भाउ भने घटेको छ । यस्तै, केही विदेशी मुद्राको भाउ भने अघिल्लो दिनको तुलनामा स्थिर छ ।

राष्ट्र बैंकका अनुसार आजका लागि अमेरिकी डलर एकको खरिददर एक सय ३८ रूपैयाँ ०४ पैसा र बिक्रीदर एकसय ३८ रूपैयाँ ६४ पैसा कायम भएको छ । युरोपियन युरो एकको खरिददर एक सय ४३ रूपैयाँ ७३ पैसा र बिक्रीदर एक सय ४४ रूपैयाँ ३६ पैसा, युके पाउन्ड स्ट्रलिङ एकको खरिददर एक सय ७० रूपैयाँ १५ पैसा र बिक्रीदर एक सय ७० रूपैयाँ ८९ पैसा, स्वीस फ्र्याङ्क एकको खरिददर एक सय ५२ रूपैयाँ १९ पैसा र बिक्रीदर एक सय ५२ रूपैयाँ ८५ पैसा कायम गरिएको छ ।

अष्ट्रेलियन डलर एकको खरिददर ८६ रूपैयाँ ५४ पैसा र बिक्रीदर ८६ रूपैयाँ ९२ पैसा, क्यानेडियन डलर एकको खरिददर ९५ रूपैयाँ ९२ पैसा र बिक्रीदर ९६  रूपैयाँ ३३ पैसा, सिङ्गापुर डलर एकको खरिददर एक सय एक रूपैयाँ ७७ पैसा र बिक्रीदर एक सय दुई रूपैयाँ २१ पैसा निर्धारण गरिएको छ ।

जापानी येन १० को खरिददर आठ रूपैयाँ ८२ पैसा र बिक्रीदर आठ रूपैयाँ ८६ पैसा, चिनियाँ युआन एकको खरिददर १८ रूपैयाँ ९४ पैसा र बिक्रीदर १९ रूपैयाँ ०२ पैसा, साउदी अरेबियन रियाल एकको खरिददर ३६ रूपैयाँ ८० पैसा र बिक्रीदर ३६ रूपैयाँ ९६ पैसा, कतारी रियाल एकको खरिददर ३७ रूपैयाँ ८६ पैसा र बिक्रीदर ३८ रूपैयाँ ०३ पैसा कायम भएको छ ।

केन्द्रीय बैंकका अनुसार थाई भाट एकको खरिददर चार रूपैयाँ ०६ पैसा र बिक्रीदर चार रूपैयाँ ०८ पैसा, युएई दिराम एकको खरिददर ३७ रूपैयाँ ५८ पैसा र बिक्रीदर ३७ रूपैयाँ ७५ पैसा, मलेसियन रिङ्गेट एकको खरिददर ३१ रूपैयाँ ०६ पैसा र बिक्रीदर ३१ रूपैयाँ २० पैसा, साउथ कोरियन वन एक सयको खरिददर नौ रूपैयाँ ६१ पैसा र बिक्रीदर नौ रूपैयाँ ६५ पैसा, स्वीडिस क्रोनर एकको खरिददर १२ रूपैयाँ ५३ पैसा र बिक्रीदर १२ रूपैयाँ ५८ पैसा र डेनिस क्रोनर एकको खरिददर १९ रूपैयाँ २७ पैसा र बिक्रीदर १९ रूपैयाँ ३५ पैसा तोकिएको छ ।

राष्ट्र बैंकले हङकङ डलर एकको खरिददर १७ रूपैयाँ ७२ पैसा र बिक्रीदर १७ रूपैयाँ ८० पैसा, कुवेती दिनार एकको खरिददर चार सय ४७ रूपैयाँ ८३ पैसा र बिक्रीदर चार सय ४९ रूपैयाँ ७८ पैसा, बहराइन दिनार एकको खरिददर तीन सय ६६ रूपैयाँ २६ पैसा र बिक्रीदर तीन सय ६७ रूपैयाँ ८५ पैसा, ओमनी रियाल एकको खरिददर तीन सय ५८ रूपैयाँ ६३ पैसा र बिक्रीदर तीन सय ६० रूपैयाँ १९ पैसा तोकिएको छ । यस्तै, भारतीय रूपैयाँ एक सयको खरिददर एक सय ६० रूपैयाँ र बिक्रीदर एक सय ६० रूपैयाँ १५ पैसा निर्धारण भएको छ ।

राष्ट्र बैंकले यो विनिमयदरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैंकले तोक्ने विनिमयदर भने फरक हुनसक्ने र अद्यावधिक विनिमयदर केन्द्रीय बैंकको ‘वेबसाइट’मा उपलब्ध हुने जनाइएको छ ।

रास्वपा टेक्सस च्याप्टरको संयोजकमा पाठक

ड्यालस, टेक्सास
राष्ट्रिय स्वतन्त्र पार्टी(रास्वपा)को प्रवास नेपाली सम्पर्क समिति टेक्सस च्याप्टरको संयोजकमा रविन पाठक चयन भएका छन् ।

रास्वपाका केन्द्रीय सदस्य तथा सांसद गणेश पराजुलीको प्रमुख आतिथ्यतामा टेक्ससमा आयोजित भेलाले पाठकलाई संयोजक चयन गरेको हो ।

भेलाबाट च्याप्टरको उप संयोजकमा राज अधिकारी, सचिवमा अर्जुन फुयाँल र कोषाध्यक्षमा रमेश थापा चयन भएका छन ।

त्यस्तै सदस्यमा टंकमणी घिमिरे, केशव थपलिया, बिप्लप पराजुली, सुदिप कँडेल, शम्भु गैह्रे, सुचना पन्त, ईश्वर ढकाल, सन्जिव गुप्ता र प्रेम पौडेल चयन भएका छन् ।

जनसम्पर्क समितिद्धारा अमेरिकाका दुई राज्यमा वाणिज्य दूतावास स्थापना गर्ने निर्णयको स्वागत

न्यूयोर्क, १० माघ ।
क्यालिफोर्नियाको सन् फ्रान्सिस्को र टेक्सासको डाल्लासमा वाणिज्य दूतावासको कार्यालय स्थापना गर्ने नेपाल सरकारको निर्णयलाई नेपाली जनसम्पर्क समिति अमेरिकाले स्वागत गरेको छ ।

नेपाली जनसम्पर्क समिति,अमेरिकाका सभापति आनन्द बिष्टले बिहीवार बिज्ञप्ति जारी गरी नेपाल सरकारको निर्णयको स्वागत गरेका हुन् ।

नेपालीहरुको जनघनत्व बढ्दै गएको अमेरिकाको पश्चिमी क्षेत्रको सन् फ्रान्सिस्को शहर र मध्य क्षेत्रको टेक्सासको डाल्लासमा वाणिज्य दूतावास स्थापनाका लागि विगत लामो समयदेखि नेपाली जनसम्पर्क समिति,अमेरिकाले नेपाली कांग्रेस र अन्य दलको नेतृत्वको सरकारसमक्ष निरन्तर माग गर्दै आएको थियो।

पछिल्लो समय संयुक्त राष्ट्र संघको महासभामा भाग लिन आउनु भएको समय गत सेप्टेम्वर महिनामा न्यूयोर्कमा रहँदा सम्माननीय प्रधानमन्त्री केपी शर्मा ओलीज्यू र माननीय परराष्ट्रमन्त्री डाक्टर आरजु राणा देउबाज्यूसंग नेपाली जनसम्पर्क समितिलगायत त्यस क्षेत्रका नेपाली समुदायका प्रतिनिधि साथीहरुको संयुक्त भेट मार्फत वाणिज्य दूतावास स्थापनाका लागि विशेष अनुरोध गरेका थियौं, सभापति बिष्टद्धारा जारी बिज्ञप्तिमा भनिएको छ, हाम्रो भेटमा सम्माननीय प्रधानमन्त्रीज्यू र माननीय परराष्ट्रमन्त्रीज्यूले हामीहरुको मागलाई नेपाल सरकारले गम्भीरतापूर्वक लिएको भन्दै वाणिज्य दूतावास गठन गर्ने विश्वास दिलाउनु भएको स्मरण गर्न चाहन्छौं।

सभापति बिष्टले परराष्ट्रमन्त्री एवं नेपाली कांग्रेसकी नेतृ डाक्टर देउवाले विभागीय मन्त्रालयमार्फत वाणिज्यदूतावास स्थापनाको प्रक्रियालाई तत्काल अगाडी बढाई मन्त्रीपरिषदसमक्ष प्रस्तुत गरेर कार्यान्वयन गर्ने चरणमा पुर्याई यसको नेतृत्व गर्नु भएकोमा आभार व्यक्त गरेका छन् । बिज्ञप्तिमा अगाडि भनिएको छ, सम्माननीय प्रधानमन्त्री केपी शर्मा ओली र सिंगो मन्त्रीपरिषदप्रति पनि धन्यवाद व्यक्त गर्दछौं।

सभापति बिष्टले वाणिज्यदूतावास स्थापनाका लागि समन्वय र सहयोग र पैरवी गरेकोमा दुवै राज्य र शहरका नेपाली जनसम्पर्क समितिका च्याप्टर नेतृत्व र अन्य स्थानीय संघ,संस्था प्रति पनि आभार व्यक्त गरेका छन् ।

नेपाली कांग्रेसका आदरणीय नेताहरुको विभिन्न समयमा भएको अमेरिका भ्रमणका क्रममा उहाँहरुले व्यक्त गर्नु भएको प्रतिवद्धताको पनि हामी सम्मान गर्न चाहन्छौं, सभापति बिष्टद्धारा हस्ताक्षरित बिज्ञप्तिमा भनिएको छ, यो हामी सबैको सामूहिक प्रयत्नको साझा उपलब्धि हो।

नेपाली जनसम्पर्क समिति नेपाली समुदायको हित र नेपाल सरकारका तर्फबाट आफ्ना नागरिकलाई प्रदान गरिने सेवा र सुविधा सहज रुपमा दिलाउनका लागि सधैं प्रतिवद्ध रहेको बिज्ञप्तिमा उल्लेख छ ।

हाम्रो प्राथमिकता नेपाल र अमेरिकामा रहेको नेपाली समुदायको बृहत्तर हितका लागि आवश्यक पहल गर्नु नै हो, बिज्ञप्तिमा बिष्ट भन्छन्, नेपाल सरकारबाट प्रदान गरिने सुबिधा सहज,सरल र कम झन्झटिलो बनाउनका लागि यो वाणिज्य दूतावास स्थापना महत्वपूर्ण हुने हाम्रो विश्वास छ।

समन्वयका सारथी शाह

सफल मान्छेको कथा बेचिने समाजमा असल मान्छेको कथा बिरलै लेखिन्छन् । कथा तिनकै छापिन्छ, जसले जोडेको  छ, अथाह सम्पत्ती ? समाजलाई त्यो सम्पत्ती कति काम लाग्यो ? त्यसको सोधीखोजी कसले गरोस ? अझ घर, ग्याँस स्टेशन, स्टोर सफलताको मानक मानिने अमेरिकामा उनी त्यसभित्र पर्दैनन । द एभरेष्ट पोष्टले बिगत चार महिना यता त्यस्ता व्यक्तिहरुका कथा बाहिर ल्याउदै आएको छ, जो अमेरिकामा छन्, तर नेपाल र नेपाली भनेपछि हुरुक्क हुन्छन्, नेपाललाई माया गर्छन, नेपालीलाई सहयोग गर्छन । र, जसको मनमुटुमा अझै जीवित छ, नेपाली पन । अझ प्रवासमा जसले विभिन्न विचार, आस्था र वादभन्दा माथि उठेर विभिन्न समाजलाई जोड्न अहम भूमिका खेलेका छन् । तीनैमध्ये एक हुन्, दमन बिक्रम शाह । जो समन्वयका सारथी हुन् ।

डोटीको जोरायल गाउँपालिका–५ चौकी । तत्कालीन गडसेरा गाउँ पञ्चायत–२ । २०३० भदौ २ गते शनिवार, त्यही चौकीमा जन्मिएका हुन्, शाह । उनी जन्मिदा शाह परिवारमा खुशी छाएको थियो । हिक्मत बहादुर शाह र चन्द्र लक्ष्मी शाहका चार सन्तान । उनी माहिलो । उनीभन्दा जेठी दिदी । उनी पछि एक भाई । एक बहिनी ।

उनी छ महिनाका थिए । बुवाआमा तराई झरे । २०२७ सालमा उनका पिताले मझगाउँमा जमीन लिईसकेका थिए । त्यही उनको स्थायी मुकाम भयो ।

उनले समैजी प्राथमिक विद्यालयमा कखरा सिके । २०३४ सालमा । १ र २ कक्षा शैलेश्वरी मावि बडेहामा पढे । शारदामावि श्रीपुरबाट ३ र ४ कक्षाको पढाई पुरा गरे । खड्क बहादुर सिंह पूर्व गृहमन्त्री थिए । उनका बुवा काठमाण्डौं सिंहलाई भेट्न काठमाण्डौं पुगे । सिंहले छोरालाई पढ्न काठमाण्डौं पढ्न सुझ्याए । छ महिना काठमाण्डौं बसेर फर्किएका बुवाले उनलाई २०३८ साल माघ २० गते पढ्न काठमाण्डौं पठाए । ५ कक्षामा भानुभक्त मेमोरियल आवासीय विद्यालयमा भर्ना भए । त्यहीबाट २०४५ सालमा एसएलसी गरे । १३० जना परीक्षार्थी मध्ये १२८ जना प्रथम श्रेणीमा पास भए । जसमध्ये उनी पनि थिए ।
वर्षदिनमा तीन महिना विद्यालय बन्द हुन्थ्यो । दुई महिना हिउँद । एक महिना दशैं । त्यही लामो विदामा उनी घर आउथे । काठमाण्डौंबाट जहाज चढ्यो । गेटा बिमानस्थलमा झ¥यो । घर नजिकै बिमानस्थल । त्यहाँबाट हिडेरै घर पुग्थे । त्यो समय, उनका दौतरीको साईकल चढ्ने रहर हुन्थ्यो । उनी जहाजमा ओहोर दोहोर गर्थे ।

आकाशवाणी(आवा)बाट घरमा खवर पठाउँथे । कहिलेकाही त उनी घरपुगेपछि आवा पुग्थ्यो । आवामा खवर पठाउदा एक अक्षरको १५ पैसा लाग्थ्यो ।

एसएलसीपछि उनी त्रिचन्द्र क्याम्पसमा आईएस्सी पढ्न थाले । त्यहीबेला २०४६ सालको जनआन्दोलन शुरु भयो । भानुभक्त, सेन्टीजेभियर, सिद्धार्थ बनस्थली र बुढानिकलकण्ठ पढ्नेहरुलाई लाग्थ्यो, आन्दोलन किन ? त्यहाँ अध्ययनरत विद्यार्थीहरुले त सबै सुविधा पाएका थिए ।

उनको आन्दोलनमा रुचि थिएन् । बानेश्वरमा डेरा गरी बस्थे । रुममेट थिए, भीम । आन्दोलनले पढाई प्रभावित भयो । त्यसपछि उनी धनगढी फर्किए । भीम पढ्न मसुरी गए । उनी लखनऊ । त्यहीबाट ईन्टर गरे । र, स्नातकमा कैलाली बहुुमुखी क्याम्पस भर्ना भए ।

उनी नयाँ थिए । चिन्ने कोही थिएन । सेकेण्ड बेञ्चमा बस्न उनी नमान्ने । पहिलो बेञ्चमा बस्न पुरानाले नदिने । क्याम्पसमा नेविसंघ र अखिलको दवदवा थियो । स्ववियुको निर्वाचन शुरु भयो । उनले कहीबाट टिकट पाएनन । उनी गुममान बाँच्न चाहदैनथे । उनले राप्रविसबाट टिकट लिए । र, सभापतिको उम्मेदवार भए ।

चुनावकै बेला एक उम्मेदवार गायव भए । गायव हुने डम्मर पाण्डेय थिए । । पुनरावेदन अदालतमा मुद्दा प¥यो । अदालतले निर्वाचन स्थगित गरिदियो । केही समयपछि उनी तत्कालीन सांसद टेकबहादुर चोख्यालको हातबाट टीका लगाएर काँग्रेसमा फर्किए । तर त्यसपछि राजनीतिमा भने सक्रिय भएनन ।

उनी फुटवल खेल्थे । अन्नपूर्ण स्पोर्टस क्लव खोले । टुर्नामेण्ट गरे । उनी राम्रो खेलाडी थिए । टुर्नामेण्टमा हाईस्कोरर भए । उनी जहाँपनि नेतृत्व गर्ने । पृथक पहिचान बनाउने । दोस्रो पंक्ति र बेञ्चमा बस्न नरुचाउने ।

२०५५ सालमा बिहा गरे । घरव्यवहार चलाउनु प¥यो । काठमाण्डौं पुगे । युएसएडको आमा मिलन कार्यक्रममा लेखा प्रमुखको जागीरे भए ।

केही समय त्यहाँ काम गरे । जेठानको कन्सट्रक्सन कम्पनी थियो । २००४ मा उनी कतार पुगे । अलफरधान र एलजी कम्पनीमा लेखा फाँटमा काम गरे । २००५ मा सुदूर पश्चिम समाज कतार खोले ।

२००७ मा नेपाल फर्के । नेपालमै केही गर्ने सोच थियो । सोचेजस्तो नभएपछि तीन महिनापछि भिजिट भिसामा दुबई पुगे । दुबईको अजमानमा बस्थे । एउटा कम्पनीमा लेखा हेर्थे । २०१० मा घर फर्के । त्यहीबेला डीभी खुलेको थिए । पत्नीसंगै उनले डिभी भरे ।

जुन २०११ मा डिभीको रिजल्ट आयो । तर उनीहरुलाई परेन । दुई दिनपछि नजिता रद्द गरेको सूचना आयो । जुलाई १५ मा नयाँ नतिजा आयो । त्यसमा भने उनकी पत्नीलाई डिभी प¥यो ।

१२ सेप्टेम्बर २०१२ मा उनी अमेरिकाको मेरिल्याण्ड आईपुगे । उनका सहपाठी अर्जुन हमाल त्यही थिए । हमालले स्पोन्सर लेटर पठाई दिए । र, उनी मेरिल्याण्ड पुगे ।

उनी नेता जस्तै थिए । केही दिन भेटघाटमा बिताए । र, त्यसपछि कामको खोजीमा जुटे । बाल्टिमोरमा एक जना नेताको रेष्टुरेण्ट थियो । त्यहाँ वेटरको जागीर खुलेको थियो । उनी त्यहाँ गए । कामका लागि कुरा भयो । रेष्टुरेण्ट मालिकसंग कुरा मिलेपछि काम गर्न सहमत भए । उनको शर्त थियो–विदेशीलाई सर्व गर्छु । नेपालीलाई गर्दैन ।

नायिक करिश्मा मानन्धर र कलाकार राजबल्लभ कोईराला रेष्टुरेण्टमा आएका थिए । करिश्माले उनलाई भनिन्, भाई मासु ल्याएर आउनु ।

त्यसले उनको ईगो हर्ट भयो । सात दिनमै जागीर छोडे । र, आफ्नो बाटो लागे ।

कहाँ नेपालको जिन्दगी र ईगो ? कहाँ अमेरिका ? अमेरिका त अर्कै रहेछ, उनले काम छोडेर हिडेपछि थाहा पाए । उनी सम्झिन्छन्, नेपालमै छोडेर आउनु पर्ने ईगो बोकेर आएपछि दुःख पाए ।

सानोतिनो काम गर्दा संकोच लाग्ने । अमेरिकामा काम सानोठूलो हुदैन भन्ने थाहा पाउन पनि समय लाग्यो । दुई महिना काम नगरी बसे । काम नहुदा झण्डै डिप्रेसनमा गएका । त्यहीबेला रवी लामिछाने भेटिए । उनले काम दिए । लामिछानेको मातहतमा २०/२२ वटा स्टोर थिए । उनी जनरल म्यानेजर थिए । लामिछानेको एउटा निजी सव–वे थियो ।

उनी सव–वे मा काम गर्न थाले । प्रतिघण्टाको ७ डलर २५ सेन्ट पारिश्रमिक पाउथे । महिनाको १४०० डलरसम्म कमाउथे ।
७/८ महिना त्यहाँ काम गरे । एकदिन मल घुम्न गए । त्यहाँ सरदार भेटिए । मलभित्र उनका तीन वटा कपडा पसल थिए । उनलाई काम दिन आग्रह गरे । सरदारले भने, भोलिदेखि काममा आउनु । उनले भने, हस् । सव–वे मा जति पारिश्रमिक पाउँथे । सरदारले त्यसको दोब्बर दिए । त्यहाँ पाँच वर्ष काम गरे ।

नेता, कलाकार, उच्च ओहोदाको जागीरे धङधङी बोकेर आए दुःख पाईन्छ । उनले त्यो बुझे । काम । काम । अनि काम । उनले ज्ञान पाए, अमेरिकामा जो काम गर्दैन्, त्यसको काम छैन । र त, उनले चुपचाप छ वर्ष काम मात्र गरे । न समाजसेवा । न नेतागिरी ।

कैलालीबाट छिमेकी रमेश भट्टराई डिभी परेर मेरिल्याण्ड आईपुगे । उनी अन्तर्राष्ट्रिय सुदूर पश्चिम समाजमा जोडिएका थिए । भन्छन्, उनीसंगको सल्लाहमा २०१७ मा सुदूर पश्चिम समाज मेरिल्याण्ड गठन ग¥यौ । उनी पहिलो अध्यक्ष भए । भट्टराई महासचिव ।

त्यतिबेलासम्म मेरिल्याण्डमा सुदूरपश्चिमेलीहरुको पहिचान थिएन । छरिएर रहेका सुदूरपश्चिमेलीहरुलाई एकत्रित गर्दै गए । र, समाजलाई सबैको साझा संस्था बनाए । २०१९ मा समाजको पुर्नसंरचना गरे । समाजलाई ५०१ सी अन्तर्गत मुनाफा रहित संस्थाका रुपमा दर्ता गरे ।

उनी कोभिडमा अहोरात्र खटे । ज्यान जोखिममा राखेर नेपालीहरुको सेवा गरे । उपचार, राहत र उद्दारमा सहयोग गरे । जहाँ नेपालीहरु समस्यामा परेको सुने, उनी त्यहाँ पुगिहाल्थे । यही सक्रियता र सेवाभावले उनी नेपालीहरुमाझ चिनिए ।

साथीभाईलाई अप्ठ्यारो हुदा कहिले चूप बसेनन । सक्दो सहयोग गर्न ढिलाई गरेनन् । देशलाई दुख्दा उनी कहिल्यै सुत्न सकेनन् । कोभिडको महामारी होस् वा दैवी विपत्ति । उपचार खर्च नपाएर छटपटाईरहेको कोही देखे, उनी सहयोग जुटाएर नेपाल पठाईहाल्थे । अतिथि देवो भवः त उनको जीनमा छ । जो आमाबुवाबाट पाएको जन्मजात गुण हो, उनको ।

उनी पहिले नेपाली हुन् । त्यसपछि सुदूरपश्चिमेली । र त, मेरील्याण्डको डेलिगेट उम्मेदवार थिए, ह्यारी भण्डारी । उनले भण्डारीमा आफूलाई पाए । उनले ठाने, एउटा नेपाली मूलको व्यक्ति उम्मेदवार हुनु आफू हुनु बराबर हो । र त, भण्डारीका हरेक अभियानमा सहभागी भए । र, जितमा भण्डारी झै उनीपनि उत्तिकै खुशी भए ।

२०२२ देखि गौरा पर्व धुमधामसंग मनाउन थाले । गौरा भनेको देउडा हो आम बुझाई चिरे । गौराको सांस्कृतिक महत्वका बारेमा सबैलाई जानकारी दिए । पहिलो गौरा पर्वमा तिर्थ पाण्डेय, भीम बिक, शंकर सिंह बिष्ट र चाँदनी मल्ल लगायत साहित्यकार, कलाकार, अभियन्ताहरुलाई आमन्त्रण गरे ।

त्यहीबेलादेखि गौरा पर्व समाजको सिग्नेचर प्रोग्राम बन्यो । अन्य समाजहरु त्यो दिन कार्यक्रम नजुधाउन सहमत भए । समाजले त्यसयता बिशुँ मनाउन थाल्यो । दशैं र तिहार सामूहिक रुपमा मनाउन थालियो । दुई कार्यकालपछि गरेपछि समाजको नेतृत्व युवा पुस्तालाई हस्तान्तरण गरे । २०२४ जुलाईमा सर्वसम्मत रुपमा समाजको अध्यक्षमा बिक्रम शाही चुनिए । यतिबेला समाजमा १८८ परिवार आवद्ध छन् ।

उनले सुदूर पश्चिम समाजलाई यति बृहत र संगठित बनाए कि, बानाको निर्वाचनमा समेत सुदूर पश्चिम समाज निर्णायक हुन थाल्यो ।

सुदूर पश्चिम समाजको कुशल नेतृत्व । समन्वयकारी भूमिका । त्यही कामले छोटो समयमै मेरिल्याण्डमा उनी पनि चिनिए । समाज पनि चिनियो । अस्तित्वमै नरहेको सुदूर पश्चिम समाजको मेरिल्याण्डको सोधीखोजी हुन थाल्यो । हरेक कार्यक्रममा सुदूर पश्चिम समाजले स्थान पाउन थाल्यो । यसको श्रेय उनैलाई जान्छ । कतिसम्म भने बाल्टिमोरमा रहेका प्रवासी नेपालीहरुको साझा संस्था बाल्टिमोर एशोसियन अफ नेप्लिज ईन अमेरिका(बाना) को चुनावमा समेत समाज निर्णायक हुन थाल्यो ।

फरक आस्था, वाद, बिचार, भूगोल, समाज र सम्प्रदायकाबीचमा समन्वयकारी भूमिकाले उनलाई २०२२ मा बानाले सल्लाहकार बनायो । र, एनआरएनए मेरील्याल्याण्ड च्याप्टरले पनि सल्लाहकारमा मनोनीत ग¥यो । उनी यी सबै अवसरहरु सुदूर पश्चिम समाजको अध्यक्षका हैसियतले प्राप्त भएको ठान्छन् ।

उनी मात्र होईन्, उनको परिवार नै सामाजिक छ । बुवा हिक्मत शाह सामाजिक व्यक्तित्व हुन् नै । नेपालमा सामाजिक कार्यमा सधै अग्रसर रहने उनकी आमा चन्द्रलक्ष्मी यतिबेला मेरिल्याण्डमा पनि उत्तिकै सक्रिय छिन् । साईकल यात्री भाई भरतबिक्रम शाह पर्यटन तथा सामाजिक क्षेत्रमा सुदूर पश्चिमका युवाहरुमाझ चर्चित अनुहार हो । उनकी पत्नी पार्वती सिंह अन्तर्राष्ट्रिय सुदूर पश्चिमको महिला उपाध्यक्ष र बानाको कोषाध्यक्ष पदसंगै आनाको बोर्ड अफ डाईरेक्टर छिन् ।

उनमा तेस्रो पुस्ता संस्कृति, परम्परा र भाषा बिर्सिन्छ कि भन्ने डर छ । उनी भन्छन्, संस्कृति, परम्परा जगेर्ना आवश्यक छ । जरालाई मलजल नगरेसम्म जलकुम्भी झार जस्ता हुन्छौ हामी । त्यसैले सांस्कृतिक पर्वहरु मनाएर र देखाएर तेस्रो पुस्तालाई हामी संस्कृतिसंग जोड्ने कोसिसमा छौ ।

अमेरिकामा नेपालीहरुको तीन पुस्ता छ । अवसर, अध्ययन र डिभीले बा पुस्ता अमेरिका आईपुग्यो । छोरा पुस्ता यही जन्मियो । र, हजुरबाको पुस्तालाई बा पुस्ताले अमेरिका ल्यायो । बा र छोरा पुस्ता काम र अध्ययनमा व्यस्त रहदा हजुरबा पुस्ता भने घरभित्रै सिमित छ । उनी भन्छन्, समुन्द्रको किनार । अग्ला घरले मात्र नियास्रो मेटाउदैन । त्यसैले बानाले एउटा नारा दियो–बाआमाका लागि बाना । सुन्दा सामान्य लाग्ने यसको अर्थ ठूलो छ ।

हजुरबालाई अंग्रेजी भाषाको समस्या छ । छोरा पुस्तालाई नेपाली भाषाको । त्यसैले बानाले छोरापुस्तालाई भाषा कक्षाको व्यवस्था गरेको उनले सुनाए ।

बानाले भाषा, संस्कृति र परम्परा र नेपालीका मौलिक पर्वहरुको संरक्षण र सम्बद्र्धनका लागि समेत कार्यक्रम सञ्चालन गर्दै आएको छ । उनी यस्ता हरेक अभियानमा सक्रिय छन् । कतिसम्म भने उनी ६/७ वर्षयता आईतवारको विदाको समय बानालाई दिदै आएका छन् ।

बानामा २०२२ मा २३०० सदस्य थिए । जसमध्ये १७०० मतदान प्रकृयामा सहभागी भए । उनी यो संख्या दोब्बर गर्ने अभियानमा होमिएका छन् । बानाभित्र सबै अट्ने । सबैको मनमा बाना समेट्ने । उनको नारा छ–बाना सबैको । सबैका लागि बाना ।
भनिन्छ, सबै पहेलो चिज जमरा हुदैन । र, दशैंमा छरेका सबै जमरा रहदैनन् । जो रहन्छ, त्यसैले छुन पाउछ, सबैको शीर ।
उनी पनि जमरा जस्तै बन्न चाहन्छन् ।

लस एन्जलस जङ्गलमा फेरि फैलियो आगो

लस एन्जलस : अमेरिकाको लस एन्जलसको जङ्गलमा फेरि आगो लागेर फैलिन थालेको छ । आगो फैलिन थालेपछि हजारौं मानिसलाई सुरक्षित ठाउँमा सारिएको छ ।

अहिले आगलागी भएको क्षेत्र शहरबाट ४५ किलोमिटर टाढा छ । कास्टिक ताल नजिकैको पहाडी क्षेत्रमा आगलागी भएको बीबीसीले जनाएको छ ।

त्यहाँ नजिकै धेरै आवासीय क्षेत्र र विद्यालयहरू छन् । आगलागीले आठ हजार एकडभन्दा बढी क्षेत्र जलेको छ । तीव्र गतिको हावा र सुक्खा झाडीहरूले आगो फैलाउन मद्दत गरिरहेको अग्नि नियन्त्रक अधिकारीले बताएका छन् ।

आगलागीबाट अहिलेसम्म कुनै पनि घरमा क्षति नभए पनि झण्डै १९ हजार बासिन्दालाई सुरक्षित ठाउँमा सारिएको छ । यसअघि एक हप्ताभन्दा लामो समयदेखि लागेको आगो निभाउन अझै दमकल प्रयोग गरेर प्रयास भइरहेको छ ।

यसबाट धेरै मानिसका आलिशान घर ध्वस्त भएका छन् भने २५ जनाको ज्यान गएको छ ।

भारतमा भएको रेल दुर्घटनामा मृत्यु हुनेमा चार जना नेपाली भएको पुष्टी

काठमाडौं । भारतको महाराष्ट्रमा रहेको जलगाउँमा भएको रेल दुर्घटनामा ज्यान गुमाउनेमध्ये चार जना नेपाली रहेका छन् ।

भारतीय सञ्चार माध्यमका अनुसार ज्यान गुमाउने नेपालीहरूमा १० वर्षीय हिमु नन्दराम विश्वकर्मा, ४० वर्षीय लच्छीराम कन्नु पासी, ४२ वर्षीया कमला भण्डारी र ८० वर्षीया जयकला बटे जयकाडी रहेका छन् । उनीहरुको ठेगाना भने खुलाइएको छैन ।

मुम्बईबाट ४०० किमी टाढा महाराष्ट्रको जलगाउँमा बुधबार साँझ ४ः४२ मा भएको रेल दुर्घटनामा १२ जनाको मृत्यु भएको थियो भने ४० जना घाईते भएका थिए।

मृत्यु हुनेमा लखनउबाट मुम्बई जाँदै गरेको १२५३३ नम्वरको पुष्पक एक्सप्रेसका यात्रुहरु रहेका छन् । पुष्पक एक्सप्रेसमा ब्रेक लगाउँदा पांग्राबाट धुवा निस्किएको थियो । जसका कारण आगलागीको हल्ला फैलियो र आतंकित यात्रीहरू रेलबाट हाम फाल्न थाले।

सेन्ट्रल रेलवेको भुसावल डिभिजनका आधिकारिक स्रोतलाई उल्लेख गर्दै समाचारमा जनाइए अनुसार घुम्तीका कारण यात्रुहरूले अर्को ट्र्याकबाट आइरहेको रेल देख्न सकेनन्। र, उनीहरूले भटाभट हाम्फाले ।

ज्यान जोगाउन ट्र्याकमा हाम फालेकाहरुको यशवन्तपुरबाट हजरत निजामुद्दीनतर्फ १२६२९ नम्वरको कर्नाटक सम्पर्क क्रान्ति एक्सप्रेसले कुल्चेर मृत्यु भएको हो ।

कञ्चनपुरमा प्रहरी जवानले आफैंमाथि गोली प्रहार गरेपछि…

कञ्चनपुर । कञ्चनपुरमा प्रहरी जवानले आफैंमाथि गोली प्रहार गरेका छन् । बुधबार साँझ सुदूरपश्चिम प्रदेश विपद् व्यवस्थापन गुल्ममा कार्यरत प्रहरी जवान वकिल बिष्टले आफैंमाथि गोली चलाएका हुन् ।

साँझ साढे ८ बजेको समयमा ड्युटीका रहेमा उनले आफैंमाथि राइफलको गोली हानेको जिल्ला प्रहरी कार्यालयका प्रवक्ता प्रहरी नायब उपरीक्षक(डीएसपी) उमेशराज जोशीले बताए ।

सो समयमा हातहतियार राखिने स्थान (सेन्ट्री कोत गारद) मा ड्युटीमा खटिएका थिए ।

डीएसपी उमेशराज जोशीकाअनुसार गोली दाहिने कानभन्दा माथि लागेको छ। गोली लागेर उनी गम्भीर छन् । उनले आफैंले बोकेको एसएलआर राइफलबाट गोली चलाएको पाइएको प्रहरीले जनाएको छ ।

विष्टलाई महाकाली अस्पतालमा सामान्य उपचारपछि धनगढी रेफर गरिएको छ ।

अमेरीकाबाट तीन नेपाली निष्कासित

काठमाडौं  : अमेरिकी अध्यागमनले  गैकानुनीरूमा बसोबास गर्ने तीन जना नेपालीलाई  निष्कासन गरेको छ।  गैरकानुनीरूपमा अमेरिका प्रवेश गरेका लोकबहादुर ओली लीलाबहादुर केसी र दीपक केसीलाई निष्कासन गरेको हो।

स्रोतका अनुसार उनीहरू गत साता काठमाडौं आइपुगेका छन्। एयर इन्डियाको जहाजबाट उनीहरू काठमाडौं आएका हुन्।

उनीहरूले अमेरिकामा कस्तो कानुन उल्लंघन गरेको भन्ने विषयमा खुलेको छैन। अमेरिकी राष्ट्रपति डोनाल्ड ट्रम्पले कार्यभार सम्हालेपछि गैरकानुनी तरिकाले बसोबास गर्ने आप्रवासीहरू आतंकित बनेका छन्। उनले सपथ लिएकै दिन आप्रवासनसम्बन्धी नयाँ कार्यादेश जारी गरेका छन्। जसअन्तर्गत गैरकानुनीरूपमा अमेरिकामा बस्दै आएका आप्रवासीहरूलाई फिर्ता पठाउने नीति ट्रम्प प्रशासनले लिएको हो। राष्ट्रपति ट्रम्पले यसविरुद्ध कडारूपमा लाग्ने बताएका छन्।

यसअघि पनि अमेरिकामा गैरकानुनी रूपमा बसोबास गर्दै आएका नेपालीहरू निष्कासनमा परेका थिए।

 

अमेरिकाले आफ्नो निर्णय पुनर्विचार गर्नुपर्छ: विश्व स्वास्थ्य संगठन

एजेन्सी। अमेरिकाले विश्व स्वास्थ्य संगठनबाट बाहिरिने आशयसहित गरेको घोषणाप्रति सो संगठन दुःख व्यक्त गरेको छ । विश्व स्वास्थ्य संगठनले बुधबार एक विज्ञप्ति जारी गर्दै अमेरिकी घोषणाप्रति दुःख व्यक्त गरेको हो ।

संगठनले भनेको छ, ‘संयुक्त राज्य अमेरिका आफ्नो निर्णयबारे पुनर्विचार गर्नेमा हामी आशावादी छौँ र विश्वभरका करोडौँ मानिसहरूको सुस्वास्थ्य र आरोग्यताका लागि संयुक्त राज्य अमेरिका र विश्व स्वास्थ्य संगठन बीचको साझेदारीलाई कायम राख्न सकारात्मक संवाद हुने अपेक्षा गरेका छौं ।’

अमेरिकी नागरिक सहित विश्वभरका मानिसहरूको स्वास्थ्य र सुरक्षा प्रत्याभूत गर्न विश्व स्वास्थ्य संगठनकोे महत्वपूर्ण भूमिका रहेको विज्ञप्तिमा उल्लेख छ ।

सन् १९४८ मा विश्व स्वास्थ्य संगठनको संस्थापक सदस्य बनेको अमेरिकाले त्यसयता १९३ अन्य सदस्य राष्ट्रहरूससँग सहकार्य गर्दै संगठनको कामको तर्जुमा र सञ्चालनमा योगदान दिँदै आएको छ । तर, अमेरिकी राष्ट्रपतिमा डोनाल्ड ट्रम्प निर्वाचित भएसँगै उनले विश्व स्वास्थ्य संगठनबाट बाहिरिने आशयसहितको घोषणा गरेका हुन् ।

 

टर्कीको होटेलमा आगलागी हुँदा ७६ जनाको मृत्यु

एजेन्सी – उत्तरपश्चिम टर्कीको एउटा होटेलमा भीषण आगलागी हुँदा ७६ जनाको मृत्यु हुनुको साथै अन्य ५१ जना घाइते भएका छन् ।

टर्कीका गृहमन्त्री अली येर्लिकायाले मारिनेमा धेरै बालबालिका रहेको बताए । अधिकारीहरूले अहिलेसम्म ५२ जनाको मृत्यु भएको पहिचान गरेका छन् ।

सीएनएनका अनुसार पीडितहरूमध्ये १० देखि ११ वर्षका धेरै बालबालिकाहरू थिए । घटनापछि गृहमन्त्रीले पत्रकारहरूलाई भने ,’हामी गहिरो पीडामा छौं । दुर्भाग्यवश यस होटेलमा भएको आगलागीमा हामीले ६६ जनाको ज्यान गुमाएका छौं ।’

टर्कीका राष्ट्रपति रेसेप तैयप एर्दोगानले बुधबार शोकको दिन घोषणा गरे । ‘यो एकताको दिन हो,’उनले सामाजिक सञ्जाल एक्समा उल्लेख गरे । उनले दोषी जो कोही भए कारबाही हुने समेत बताए।

टर्की सरकारले होटेलमा भएको घातक आगलागीको अनुसन्धान सुरु गरेको छ । न्याय मन्त्री यिलमाज टुन्च र आन्तरिक मन्त्री अली येर्लिकायाका अनुसार नौ जनालाई पक्राउ गरिएको बताए।

आगलागी हुँदा करिब २३४ जना पाहुना होटेलमा बसिरहेका थिए ।

बङ्गलादेशको विमानस्थलमा बमको धम्की

ढाका । इटालीको रोमबाट ढाकाका लागि उडेको बङ्गलादेश एयरलाइन्सको विमानमा बम राखेको धम्की आएको छ । ढाकाको हजरत शाहजलाल अन्तर्राष्ट्रिय विमानस्थलमा अज्ञात नम्बरबाट आएको कलबाट यो धम्कीको जानकारी दिइएको थियो ।

विमानस्थलका कार्यकारी निर्देशक समूह क्याप्टेन कमरुल इस्लामले सो कुराको पुष्टि गरे । रोमबाट ढाकाका लागि उडेको विमान बीजी–३५६ मा बम आक्रमणको धम्की दिइएको उनले बताए ।

विमानले बिहान ९ः२० मा हजरत शाहजलाल विमानस्थलमा आकस्मिक अवतरण गरेको थियो । विमानका २५० यात्रु र १३ चालक दलका सदस्यलाई विमानबाट निकालेर टर्मिनलमा ल्याइयो । -एएनआई

यू-१९ महिला टी-२० विश्वकप : अस्ट्रेलियाले नेपाललाई दियो १४० रनको लक्ष्य

काठमाडौँ- अस्ट्रेलियाले आईसिसी यु-१९ ट्वान्टी-२० विश्वकपमा समूह चरणको आफ्नो अन्तिम खेलमा नेपाल सामू १४० रनको लक्ष्य प्रस्तुत गरेको छ। मलेसियाको वाइएसडी युकेएम ओभलमा टस जितेर ब्याटिङ रोजेको अस्ट्रेलियाले निर्धारित २० ओभरमा ६ विकेट गुमाउँदै १३९ रनको योगफल तयार पार्‍यो।

अस्ट्रेलियाका लागि काओइमहे ब्रेले ३४ बलमा सामान तीन चौका र छक्काको मद्दतले सर्वाधिक ४५ रनको योगदान गरिन्। यसैगरी एलेनोर लारेसाले ३१, हसरत गिलले अविजित ३० र क्लो एन्वर्थले अविजित १६ रन बनाए। नेपालका लागि कप्तान पूजा महतोले तीन, सीमाना केसीले दुई र रिया शर्माले एक विकेट लिए।

इण्डोनेसियामा पहिरो : मृत्यु हुनेको संख्या १८ पुग्यो

इण्डोनेसिया ।  प्रान्तीय विपद् न्युनिकरण एजेन्सीकाअनुसार मंगलवार इण्डोनेसियाको मध्य जाभा प्रान्तको पेकालोङ्गान क्षेत्रमा गएको पहिरोमा परी मृत्यु हुनेको संख्या १८ पुगेको छ ।

सेन्ट्रल जाभा प्रकोप न्यूनीकरण एजेन्सीका प्रमुख बर्गास कातुर्सासी पेनाङगुङ्गनले पेटुङक्रियोनो गाउँमा भएको पहिरोमा नौ जनाभन्दा बढी अझै बेपत्ता रहेको बताए ।

पहिरोले १० जनालाई गम्भीर घाइते बनाएको, दुई घरलाई आंशिक रूपमा क्षति पुर्याएको र धेरै सवारी साधनहरू बगाएको बताएका छन् । पेकालोङ्गानमा सोमवार भएको भारी वर्षाका कारण बाढी र पहिरो गएको हो । बेपत्ताहरुको खोजी अझै जारी छ ।

करको विषयमा डोनाल्ड ट्रम्पले चीनलाई दिए चेतावनी

काठमाडौं । अमेरिकी राष्ट्रपति डोनाल्ड ट्रम्पले चीनबाट आयात हुने सामानमा १० प्रतिशत कर लगाउनेबारे विचार गरिरहेको बताएका छन् ।

आफ्नो दोस्रो कार्यकालको पहिलो दिन नै चिनियाँ आयातबारे सोधिएको प्रश्नको जवाफमा ट्रम्पले यस्तो टिप्पणी गरेका हुन् । उनले फेब्रुअरी १ देखि यो शुल्कमा विचार गर्न लागिएको बताएका छन् ।

पत्रकारसँग ट्रम्पले चीनले अमेरिकामा फेटानिलजस्ता औषधि पठाउँदै आएको र यसले संकट निम्त्याएको दाबी गरे ।

उनले मेक्सिको र क्यानडाबाट आयात हुने सामानमा २५ प्रतिशत कर लगाउने धम्की समेत दिएका छन् । ट्रम्पले यी दुई देशले अवैध आप्रवासी र लागुपदार्थलाई अमेरिका आउन दिएको आरोप पनि लगाएका छन् । बीबीसी

फेक इमेलको जोखिम : सतर्क रहन प्रहरीको चेतावनी

काठमाडौं । प्रहरीका विशिष्ट कार्यालय र अधिकृतको नाममा इमेल आएमा सचेत रहन सर्वसाधारणलाई प्रहरीले अपिल गरेको छ ।

प्रहरी प्रधान कार्यालयले मंगलबार सूचना जारी गर्दै त्यस्ता ‘फेक’ इमेलबाट सावधान रही नजिकको प्रहरी कार्यालय वा साइबर ब्यूरोमा सूचित गर्न भनेको हो ।
सूचनामा भनिएको छ, ‘प्रहरीका विशिष्ट कार्यालय वा अधिकृतको नाम लिएर इमेल आउँदैमा विश्वासमा नपर्न तथा कुनै प्रतिक्रिया नदिन विनम्र अनुरोध गर्दछौं ।’

प्रधान कार्यालयका अनुसार प्रहरीमा यस्ता गुनासो आएकाले गुनासो उपर अनुसन्धान भइरहेको छ ।​

राजेन्द्र महतोको दल दर्ता : चुनाव चिह्न माछा मागे, निर्वाचन आयोगले ग्यास सिलिण्डर दियो

काठमाडौं । राजेन्द्र महतो नेतृत्वको राष्ट्रिय मुक्ति पार्टी नेपालले निर्वाचन आयोगबाट दल दर्ताको प्रमाणपत्र पाएको छ ।

आज निर्वाचन आयोगद्वारा राष्ट्रिय मुक्ति पार्टी नेपाल नामक राजनीतिक दल दर्ता गर्ने निर्णय गरि पार्टीलाई प्रमाणपत्र प्रदान गरिएको हो। चुनाव चिन्हको रूपमा ग्याँस सिलिण्डर प्रदान गरिएको आयोगले जनाएको छ ।

राष्ट्रिय मुक्ति पार्टी नेपालले चुनाव चिह्न माछा माग गरेको थियो । तर निर्वाचन आयोगले ग्यास सिलिण्डर चुनाव चिह्न दिएको छ ।

गाढा निलो रंगको आयाताकार झण्डाको मध्य भागमा तीर धनुष रहने गरी झण्डा समेत प्रदान गरिएको आयोगले जनाएको छ । दल दर्ता नं। २०१ कायम भएको छ।

स्वदेशवाद, बहुलरष्ट्रवाद र सामुदायिक समाजवादको मार्ग निर्देशक सिद्धांत बमोजिम पार्टी आगाडि बढ्ने भएकोले आम जनतालाई यस पार्टीको सदस्यता ग्रहण गरि सक्रियता साथ पार्टीमा लाग्न अध्यक्ष राजेन्द्र महताले अपील गरेका छन् ।

सञ्चारकर्मी बस्नेतलाई कम्युनिटी मिडिया अवार्ड

काठमाडौं । अन्नपूर्ण मिडिया नेटवर्कका महाप्रबन्धक मनोज बस्नेतलाई अमेरिकाबाट ‘कम्युनिटी मिडिया अवार्ड २०२५’ प्रदान गरिएको छ ।

अमेरिकाको न्युयोर्कबाट सञ्चालित त्रिवेणी टाइम्सले आफ्नो प्रथम वार्षिकोत्सवका अवसरमा बस्नेतसहित ७ जना सञ्चारकर्मीलाई फस्ट ‘कम्युनिटी मिडिया अवार्ड २०२५’ प्रदान गरेको हो । न्युयोर्कमा आयोजित एक विशेष समारोह मिडियालाई समुदायमा जोडन अतुलनीय भूमिका खेलेवापत उनीहरुलाई अवार्ड प्रदान गरिएको त्रिवेणी टाइम्सले जनाएको छ ।

अवार्ड सँगै न्युयोर्क राज्यको एसेम्बली मेम्बर जेनिफर राजकुमारको अफिसले सम्मानपत्र समेत उपलब्ध गराएको छ । कम्युनिटी मिडिया अवार्ड २०२५ पाउनेमा नेपालबाट अन्नपूर्ण मिडिया नेटवर्कका महाप्रबन्धक मनोज बस्नेत, मन्जुर हुसैन दुनिया इन्टरनेसन एण्ड ग्लोबल टिभी अमेरिका, हरप्रित सिंह तोर मेनस्ट्रीम मिडिया अमेरिका, सम्राट कार्की हेलो अमेरिका, लोबलु अन्सार बंगलादेश प्राटिशन, युई जी चाइना प्रेस, डेव ल्लावानेश जिएमए नेटवर्क अमेरिका छन् ।

‘नेपाली मिडिया उद्योगको नेतृत्व गरिरहेका बस्नेत मिडिया र समूदायलाई कसरी जोड्ने भन्ने एक उहाहरण हुन्’ अवार्ड बितरण समारोहमा उद्घोष गदै त्रिवेणी टाइम्सका संचालक नवराज केसीले भने ‘ नेपालको बिश्वासीलो मिडिया हाउस अन्नपूर्ण मिडिया नेटवर्कका माध्यमबाट उनले मिडिया र समूदायलाई जोड्ने अदभूत काम गरिरहेका छन । त्यही क्रममा अन्नपूर्ण मिडिया नेटवर्कलाई अन्तर्राष्ट्रिय मिडिया हाउस बनाउँदै अमेरिकामा बसोबास गरिरहेका नेपालीमुलका अमेरिकन समूदायहरुलाई जोड्न गरिरहेका छन । जुन आफैमा सराहनी छ ।’ मिडिया र समूदायलाई जोड्न बस्नेतले गरेको कामको मूल्यांकन गदै कम्यूनिटी मिडिया अवार्ड २०२५’ का लागि छनोट गरि अवार्ड प्रदान गरेको उनले बताए ।

ट्रम्पको दोस्रो कार्यकाल: बाँकी विश्वका लागि अर्थ के?

राष्ट्रपति डोनल्ड ट्रम्पले दोस्रो कार्यकालका लागि ह्वाइट हाउसमा फेरि प्रवेश गरेका छन्।

“अमेरिका फस्ट” अर्थात्‌ “अमेरिका पहिला” भन्ने नीति अघि सारेका ट्रम्पको दोस्रो कार्यकालले अमेरिकी विदेशी नीतिलाई नयाँ रूप दिने छ जसबाट अमेरिकी सीमाबाहिर रहेका करोडौँ मानिस पनि सम्भवतः प्रभावित हुने छन्।

यसअघि सन् २०१७ देखि सन् २०२१ सम्म अमेरिकी राष्ट्रपति रहिसकेका ट्रम्पले केही प्रमुख अन्तर्राष्ट्रिय मुद्दाहरूलाई कसरी हेर्ने छन् त?

युक्रेन

न्यूयोर्कमा गत सेप्टेम्बरमा युक्रेनी राष्ट्रपतिसँग ट्रम्प

तस्बिर स्रोत,Getty Images

तस्बिरको क्याप्शन,ट्रम्पले युक्रेनलाई दिइने सहायता कटौती गर्न चेतावनी दिइसकेका छन्

चुनावी अभियानका क्रममा ट्रम्पले “एक दिनमै” रुस र युक्रेनबीचको युद्ध अन्त्य गराउने कुरा पटकपटक गरेका थिए, यद्यपि त्यसबारे विस्तृत विवरण उनले दिएका छैनन्।

सन् २०२२ मा रुसले युक्रेनमा पूर्ण स्तरको अतिक्रमण गरेयता अमेरिकाले युक्रेनलाई सैन्य सहायताका लागि अर्बौँ डलर खर्च गर्दै आएकोमा ट्रम्पले आलोचना गर्ने गरेका छन्।

युद्ध अन्त्य गराउनका लागि सम्झौता गर्न ट्र्म्पले युक्रेनमाथि दबाव दिनसक्छन् भन्दै युक्रेनका समर्थकहरूबीच उनको टिप्पणीले चिन्ता निम्त्याएको थियो।

युक्रेन र रुसका लागि ट्रम्पका विशेष दूतमा मनोनित किथ केलगले ज्यानुअरीको शुरूतिर फक्स न्यूजसँग कुराकानी गर्दै १०० दिनभित्र ट्रम्पले हल खोज्ने बताएका थिए।

अघिल्लो एप्रिलमा उनले मस्कोसँग शान्ति वार्तामा बस्न किएभ तयार भए मात्र अमेरिकाले थप सहायता उपलब्ध गराउनुपर्ने प्रस्ताव गरेका थिए।

रुसी राष्ट्रपति भ्लादिमिर पुटिनले ट्रम्पलाई भेट्न चाहिरहेका भन्दै त्यसका लागि “तयारी भइरहेको” उनका सहयोगीहरूले बताएका छन्।

नेटो

अभ्यासका क्रममा नेटोका सैनिकहरू

तस्बिर स्रोत,Getty Images

तस्बिरको क्याप्शन,नेटोबाट अमेरिका बाहिरिएला भन्नेबारे मतहरू विभाजित देखिन्छ।

संयुक्त राज्य अमेरिका, यूके, जर्मनी र फ्रान्ससहित ३२ देशहरूको सैन्य गठबन्धन उत्तर एट्लान्टिक सन्धि सङ्गठन (नेटो) ट्रम्पलाई मन नपर्ने कुरामध्ये एउटा हो।

कुल गार्हस्थ उत्पादन (जीडीपी) को २ प्रतिशत सुरक्षामा खर्च गर्ने लक्ष्य पूरा गर्न सदस्य राष्ट्रहरू विफल भए नेटोबाट अमेरिका बाहरिने चेतावनी ट्रम्पले पहिलो कार्यकालमा दिएका थिए।

आफूले बेहोर्नुपर्ने खर्च नतिर्ने नेटो सदस्य राष्ट्रमाथि आक्रमण भए अमेरिकाले प्रतिरक्षा नगर्ने पनि उनले बताएका थिए।

ट्रम्पको वेबसाइटमा उल्लेख गरिएअनुसार उनको उद्देश्य नेटोका उद्देश्य र मिसनलाई “आधारभूत रूपमा पुनर्मूल्याङ्कन गर्नु” रहेको छ।

नेटोबाट अमेरिका बाहिरिएला भन्नेबारे मतहरू विभाजित देखिन्छन्।

तर विज्ञहरूका अनुसार नेटोबाट नबाहिरीकन पनि उनले त्यसको महत्त्वलाई नजरअन्दाज गर्न सक्छन्- उदाहरणका लागि युरोपमा रहेका अमेरिकी सैनिकहरूको सङ्ख्या उनले घटाउन सक्छन्।

मध्यपूर्व

तेहरानमा इजरेल अमेरिकाविरोधी प्रदर्शन

तस्बिर स्रोत,Getty Images

तस्बिरको क्याप्शन,ट्रम्पले मध्यपूर्वलाई लिएर चुनौती झेल्नुपर्ने हुन्छ

गाजा युद्धविराम र बन्धक रिहाइसम्बन्धी सम्झौता कार्यान्वयनमा आएलगत्तै ट्रम्पले कार्यकाल सम्हालेका छन्।

वार्तामा उनका सल्लाहकारहरूले जो बाइडनको टोली र कतार एवम् इजिप्टका वार्ताकारहरूसँग मिलेर काम गरे। बाइडन र ट्रम्प दुवैले सम्झौताको जस दाबी गरिरहेका छन्।

तर सम्झौताका कतिपय कुरा कार्यान्वयनमा चुनौती देखिन सक्छन्। बाइडनकै शब्दमा खास गरी “युद्धको स्थायी अन्त्य” गराउन चुनौतीपूर्ण हुने छ।

आफ्नो पहिलो कार्यकालमा ट्रम्पले जेरुसलेमलाई इजरेलको राजधानी भन्ने र अमेरिकी दूतावासलाई तेल अभिभबाट त्यहाँ सार्नुसहितका इजरेलसमर्थक नीतिहरू सशक्त रूपमा अगाडि सारेका थिए।

उनको प्रशासनले इरानविरुद्ध कडा नीति अख्तियार गरेको थियो। प्रतिबन्धहरू बढाइनुका साथै इरानका सबैभन्दा शक्तिशाली सेनाका कमान्डर जेनरल कासिम सुलेमानीको हत्या गरिएको थियो।

आलोचकहरूका अनुसार ट्रम्पका नीतिको अस्थिर असरहरू सो क्षेत्रमा पर्‍यो र प्यालेस्टिनीहरूलाई एक्ल्यायो।

उनले संयुक्त अरब एमिरेट्स, बहराइन, सुडान र मोरक्कोसँग इजरेलको सम्बन्ध सामान्य बनाउने गरी ऐतिहासिक अब्राहम सम्झौताको मध्यस्थता गराए। तर ती सम्झौताअन्तर्गत इजरेललाई स्वतन्त्र प्यालेस्टिनी राज्यको भविष्य स्वीकार्न लगाइएन जुन कुरा अरब राष्ट्रहरूले पहिलापहिला सम्झौताका लागि पूर्वशर्तका रूपमा सार्ने गरेका थिए।

चीन

ताइवानमा एउटा सैन्य अभ्यास

तस्बिर स्रोत,Getty

तस्बिरको क्याप्शन,तनाव बढिरहँदा चीन र ताइवान दुवैले सैन्य अभ्यास गरेका छन्

अमेरिकाले चीनप्रति गर्ने व्यवहारको ठूलो असर विश्व सुरक्षा र व्यापारमा असर पर्ने छ।

आफ्नो पहिलो कार्यकालमा ट्रम्पले चीन र अमेरिकाबीच व्यापार युद्ध निम्त्याए। अमेरिकामा चीनले निर्यात गर्ने वस्तुहरूमा ६० प्रतिशतसम्म कर लगाउने उनले बताएका थिए।

ट्रम्पले विदेशमन्त्रीका लागि छानेका मार्क रुबिओ र राष्ट्रिय सुरक्षा सल्लाहकार माइक वाल्ज दुवै चीनविरुद्ध कडा रवैया अपनाउने व्यक्ति हुन्। उनीहरूको चयनले बेइजिङ्गलाई ट्रम्पले ठूलो खतराको रूपमा लिने गरेको प्रस्ट हुन्छ।

ताइवान एउटा महत्त्वपूर्ण मुद्दाको रूपमा रहेको छ। चीनले आफूबाट छुट्टिएको एउटा प्रान्तको रूपमा लिने गरेको र क्रमशः आफ्नो नियन्त्रणमा आउने भनी विश्वास गर्ने गरेको स्वशासित ताइवानलाई अमेरिकाले सैन्य सहायता उपलब्ध गराउँदै आएको छ।

चीनले ताइवानमाथि अतिक्रमण गरेको खण्डमा अमेरिकाले के गर्ने छ भन्नेबारे ऐतिहासिक रूपमा वाशिङ्गटन अस्पष्ट रहिआएको छ।

चुनावी अभियानका क्रममा ट्रम्पले ताइवानमाथि चीनले नाकाबन्दी गरेमा अमेरिकाले सेना प्रयोग नगर्ने बताएका थिए।

सो क्रममा उनले चिनियाँ राष्ट्रपति “सीले मलाई आदर गर्छन् र उनलाई थाहा छ म सनकी छु” भनेका थिए। ताइवानमाथि अतिक्रमण गरे चिनियाँ निर्यातमा ‘भयानक शुल्क’ लगाउने उनले बताएका थिए।

जलवायु परिवर्तन

क्यालिफोर्नियामा तेल पम्प

तस्बिर स्रोत,Getty Images

तस्बिरको क्याप्शन,ट्रम्पको प्रशासन खनिज इन्धनमा केन्द्रित हुने देखिन्छ

ट्रम्पले जलवायु परिवर्तनबारे सन्देह गर्दै आएका छन् जसले हरित ऊर्जाको विषयलाई एउटा “ठगी” भन्छन्। राष्ट्रपतिको पदभार सम्हालेपछि जलवायु परिवर्तनसम्बन्धी सन् २०१५ को प्यारिस सम्झौताबाट अमेरिकालाई फेरि पनि अलग्याउने कार्यकारी आदेश उनले जारी गरेका छन्।

यसअघि उनको कदमलाई जो बाइडनले सन् २०२१ मा उल्टाइदिएका थिए।

सस्तो ऊर्जा उपलब्ध गराउने वाचा गर्दै उनले तेल उत्खननमा वृद्धि गर्न वाचा गरेका छन्।

चुनावअघि ट्रम्पको अभियानले वातावरणवादीहरूले ल्याउने “विवेकहीन निवेदनहरू” रोक्ने, वायुऊर्जामा दिइने सहुलियत बन्द गर्ने, तेल, ग्यास र कोइला उत्पादनमा कर कटौती गर्ने र बाइडनले ल्याएका सवारीबाट हुने उत्सर्जनसम्बन्धी नियमनलाई हटाउने वाचा गरेको थियो।

आप्रवासन

एरिजोनामा आप्रवासीहरू

तस्बिर स्रोत,Getty Images

तस्बिरको क्याप्शन,अवैध आप्रवासनलाई रोक्ने पनि ट्रम्पको एउटा वाचा थियो

ट्रम्पले कागतपत्र विना अमेरिकामा बस्दै आएका लाखौँ आप्रवासीहरूलाई देशबाट निकाला गर्ने वाचा गरेका थिए।

अमेरिकामा कागजपत्र नभएका अनुमानित एक करोड १० लाख आप्रवासीहरू बस्दै आएका बताइन्छ र उनीहरूले कैयौँ वर्षदेखि काम गर्दै आएका छन्।

देश निकालाको काम “अपराधीहरूबाट” शुरू गर्ने उनले बताएका थिए। तर विस्तृत विवरण सार्वजनिक गरिएको छैन।

उनले जन्मका आधारमा स्वतः अमेरिकी नागरिकता पाइने व्यवस्थालाई अन्त्य गर्ने कार्यकारी आदेश जारी गरेका छन्।

सीमा सुरक्षा कडा पार्ने र केही देशहरूबाट हुने यात्रामाथि विगतमा गरेको प्रतिबन्धलाई फेरि शुरू गर्न सक्ने उनले बताएका थिए। त्यसरी प्रतिबन्ध लगाइएका अधिकांश मुस्लिम बहुल देश थिए।

यद्यपि विज्ञहरूका अनुसार ट्रम्पका योजनाहरू पूरा हुनका लागि उल्लेख्य कानुनी, बन्दोबस्ती, आर्थिक र राजनीतिक चुनौतीहरू झेल्नुपर्ने हुन्छ।

ग्रीनल्यान्ड र पानमा नहर

ग्रीनल्यान्डका प्रधानमन्त्रीले उक्त भूगोल विक्रीमा नरहेको बताएका छन्।

तस्बिर स्रोत,Getty Images

तस्बिरको क्याप्शन,पहिलो कार्यकालका क्रममा ट्रम्पले ग्रीनल्यान्ड किन्ने कुरा सन् २०१९ माभनेका थिए

डोनल्ड ट्रम्पले ग्रीनल्यान्ड खरिद गर्न र पानमा नहरमाथि नियन्त्रण गर्न चाहेको भनेर अस्तव्यस्तता सिर्जना गरेका छन्।

ज्यानुअरीको शुरूतिर उनलाई उक्त उद्देश्य पूर्ति गर्न उनले सैन्य अथवा आर्थिक बल प्रयोग गर्लान् त भनी सोधिएको थियो।

जवाफमा उनले भनेः “होइन, यी दुइटैबारे म तपाईँलाई आश्वस्त पार्न सक्दिनँ।”

निकै कम जनसङ्ख्या रहेको उक्त डेनिश भूभागमा ठूला अमेरिकी ‘अन्तरिक्ष फसिलिटी’ रहेका छन्। ग्रीनल्यान्डमा पृथ्वीका दुर्लभ खनिजहरू पाइन्छ जुन ब्याट्री र उच्च प्रविधिका उपकरणहरू बनाउनमा काम लाग्छन्।

डेनमार्क र ग्रीनल्यान्डका प्रधानमन्त्री समेतले उक्त भूगोल विक्रीका लागि नभएको बताएका छन्।

गत डिसेम्बरमा ट्रम्पले पानमा नहर भएर जाने जहाजहरूबाट “हास्यास्पद र एकदमै अनुचित शुल्क” असुल्ने गरिएको आरोप लगाउँदै “अस्वाभाविक शुल्क लिने” क्रम नरोकिए अमेरिकालाई त्यसको नियन्त्रण सुम्पिन माग गर्ने बताएका थिए।

पानमामा ठूलो लगानी रहेको र उक्त नहरको नियमित प्रयोगकर्ता चीनलाई लिएर पनि आफ्नो चासो ट्रम्पले व्यक्त गरेका थिए।

पानमाले उक्त नहरमाथि रहेको आफ्नो सार्वभौकिताबारे “वार्ता गर्न नसकिने” भन्दै जलमार्गमा चीनको “कुनै हस्तक्षेप नरहेको” बताएको छ। -बिबिसी नेपाली 

खोज्नुहोस