केही दिनमै डा. भट्ट गभर्नर नियुक्त हुने, सहमती अनुसार प्रधानमन्त्री ओली अघि बढ्ने
काठमाण्डौं, १३ बैशाख ।
नेपाली काँग्रेसका सभापति शेर बहादुर देउवा स्वदेश फिर्ता भएसंगै एक सातादेखि अवरुद्ध नेपाल राष्ट्र बैंकको गभर्नर नियुक्ति प्रकृया अघि बढेको छ । संभवत अवको केही दिनमा गभर्नर नियुक्ति हुनेछ ।
नेपाली राष्ट्र बैंकका कार्यकारी निर्देशक डा. गुणाकर भट्टलाई गभर्नर बनाउने नेपाली काँग्रेसका सभापति देउवाको प्रस्तावमा प्रधानमन्त्री ओलीले सहमती जनाएपछि भट्टले पदबाट दिएको राजिनामा काम गभर्नर निलम ढुंगानाले पेन्डिङमा राखेपछि गभर्नर नियुक्ति प्रकृया अघि बढ्न सकेको थिएन ।
यसैबीच गभर्नरमा भट्टको सिफारिस वा नियुक्ति नहुदै अनुमानका भरमा उनको नियुक्ति प्रकृयालाई गिजोल्न अदालतमा रीट दायर गरिएको थियो । त्यसमाथि गभर्नर सिफारिस समितिका सदस्य बिजयनाथ भट्टराईले राजिनामा दिएपछि अन्यौलता कायम भयो ।
नेपाली काँग्रेसका सभापति देउवा स्वदेश फिर्ताभएसंगै गभर्नर नियुक्ति प्रकृया अघि बढाउन सरकारलाई देउवाले दवाव दिएका छन् ।
गभर्नर नियुक्तिमा भएको ढिलाईमा चासो व्यक्त गर्दै देउवाले प्रधानमन्त्री ओलीसंग बिलम्ब नगरी भट्टलाई गभर्नर नियुक्ति दवाव दिएको स्रोत बतायो ।
नेपाली काँग्रेसका सभापति देउवाका स्वकीय सचिव भानु देउवाले डा. गुणाकर भट्टलाई गभर्नर नियुक्त गर्न प्रधानमन्त्री ओलीसंग सहमती भईसकेको र केही दिनमै भट्ट गभर्नर नियुक्त हुने बताए । प्रधानमन्त्री ओलीसंग भएको सहमती अनुसार भट्टलाई गभर्नर बनाउने प्रकृया अघि बढ्ने उनले बताए ।
गभर्नर सिफारिस समितिका एक जना सदस्यले राजिनामा दिएको र सो समितिमा नयाँ सदस्य नियुक्त गरेपछि गभर्नर नियुक्तिको प्रकृया टुंगिने स्वकीय सचिव देउवाले बताए ।
कामु गभर्नर ढुंगानाले भट्टको राजिनामा स्वीकृत नगरेको विषयमा पनि प्रधानमन्त्रीसंग कुरा हुने उनले बताए ।
ढुंगानाले आईतवारसम्म भट्टको राजिनामा स्वीकृत नगरे उनलाई कामु गभर्नरको जिम्मेवारीबाट हटाउने गरी समेत काँग्रेसभित्र छलफल भएको छ ।
प्रधानमन्त्री ओलीले सहमती अनुसार भट्टलाई गभर्नर नियुक्त गर्न ढिलाई गरेपछि नेपाली काँग्रेसले सरकारलाई दिएको समर्थन फिर्ता गर्ने समेत चर्चा चलेको थियो ।
ट्रेन्डिङ
सम्बन्धित
