डा. गुणाकर भट्ट नेपाल राष्ट्र बैंकको गर्भनर हुने पक्का, प्रधानमन्त्री ओली सहमत
काठमाण्डौं, ४ बैशाख ।
अन्ततः लामो रस्साकस्सीपछि स्वच्छ छविका अर्थतन्त्रका ज्ञाता नेपाल राष्ट्र बैंकको गर्भनर हुने पक्का भएको छ ।
कुनै पनि स्वार्थ समूह र बिचौलियाले नबोकेका र स्वच्छ छविका अर्थतन्त्रका ज्ञाता डा. गुणाकर भट्टलाई प्रधानमन्त्री केपी शर्मा ओली गभर्नर बनाउन सहमत भएका छन् ।
डा. भट्टलाई गभर्नर बनाउन नेपाली काँग्रेसका सभापति शेर बहादुर देउवाले गरेको प्रस्तावमा प्रधानमन्त्री ओलीले सहमती जनाएका छन् ।
द एभरेष्ट पोष्टसंगको कुराकानीमा नेपाली काँग्रेसका सभापति देउवाका स्वकीय सचिव भानु देउवाले प्रधानमन्त्री ओली र पार्टी सभापति देउवाबीच डा. भट्टलाई गभर्नर बनाउने सहमती भएको बताए । डा. भट्टलाई गभर्नर बनाउने लगभग सहमती भएको छ, देउवाले भने, अन्तिम बैठकबाट सबै कुराको टुंगो लाग्ने छ ।
नेपाली काँग्रेसका सभापति देउवाले शुरुदेखि नै डा. भट्टलाई गभर्नर बनाउन प्रधानमन्त्री ओलीलाई जोड दिदै आएका थिए । प्रधानमन्त्री ओली भने आफू निकट व्यक्तिलाई गभर्नर बनाउन चाहन्थे ।
नेपाली काँग्रेसका सभापति देउवाको अडानपछि प्रधानमन्त्री ओली डा. भट्टलाई गभर्नर बनाउन सहमत भएका हुन् ।
गभर्नरको दौडमा रहेका सबै व्यक्तिहरुमध्ये स्वच्छ छवि र अर्थतन्त्रका ज्ञाताका रुपमा डा. भट्ट चिनिन्छन् ।
गभर्नर नियुक्ति प्रकृयामा स्वार्थ समूह र बिचौलियाहरुले आर्थिक चलखेल गरिरहेको भएपनि प्रधानमन्त्री ओली निष्पक्ष तरिकाले स्वच्छ छविका डा. भट्टलाई गभर्नर बनाउन सहमत भएका हुन् ।
ट्रेन्डिङ
सम्बन्धित
