महिला एसियन कप छनोट : नेपाल समूह ‘एफ’ मा

काठमाडौँ : एएफसी महिला एसियन कप २०२६ को छनोटमा नेपाल कठिन समूहमा परेको छ। एसियाली फुटबल महासंघ (एएफसी) ले मलेसियाको क्वालालम्पुरस्थित एएफसी हाउसमा बिहीबार गरेको समूह विभाजनमा नेपाल समूह ‘एफ’ अन्तर्गत रहेर खेल्नेछ।

समूह विजेताले मात्र छनोट चरणमा स्थान बनाउने भएकाले नेपालका लागि उज्बेकिस्तान सर्वाधिक बलियो टोलीका रुपमा रहने छ। समूहमा ५०औं बरियताको उज्बेकिस्तानसँगै लाओस र श्रीलंका यो समूहमा रहेका छन्। नेपाल फिफा वरियतामा ९९ औं स्थानमा रहेको छ।

लाओस १०७ र श्रीलंका १५८औं स्थानमा रहेका छन्। यो समूहका खेल उज्बेकिस्तानमा हुने तय भएको छ। दुई समूहमा पाँच टोली र ६ समूहमा चार टोली रहने छन्। समूह विजेता एएफसी महिला एसियन कप २०२६ को लागि अस्ट्रेलिया जानेछ।