राजतन्त्र फर्किने कुनै माहाेल छैन: देउवा
२६ फागुन २०८१ १२:१३
धनगढी – नेपाली कांग्रेसका सभापति शेरबहादुर देउवाले नेपालमा राजतन्त्र फर्किने कुनै सम्भावना नभएको बताएका छन्।
सोमबार धनगढी विमानस्थलमा सञ्चारकर्मीसँग कुरा गर्दै उनले राजतन्त्र फर्किने चर्चा हल्लामात्रै भएको दाबी गरे।
“मैले कुनै माहोल देखेको छैन, त्यो त केवल हल्ला मात्र हो,” देशभर राजतन्त्र पक्षधर गतिविधि बढिरहेको भन्ने सञ्चारकर्मीको जिज्ञासामा देउवाले भने।
गठबन्धनबारे बोल्दै उनले वर्तमान सरकारमा कुनै समस्या नभएको बताउँदै यो गठबन्धन २०८४ सम्म कायम रहने उल्लेख गरे।
सभापति देउवाका अनुसार नेपाली कांग्रेसको १५औँ महाधिवेशन पनि निर्धारित समयमा नै हुनेछ।
देउवा कांग्रेस सुदूरपश्चिम प्रदेश सम्मेलन उद्घाटन गर्न अधिकांश केन्द्रीय नेतासहित धनगढी आएका हुन्।
ट्रेन्डिङ
ताजा समाचार
सम्बन्धित
