आज बोलाइएको प्रदेशसभा बैठक स्थगित

धनगढी, २३ फागुन । सुदूरपश्चिम प्रदेश सभाको शुक्रबार बोलाइएको बैठक स्थगित भएको छ । विशेष कारणले बैठक स्थगित भएको प्रदेश सभा सचिवालयका प्रवक्ता तेजप्रकाश जोशीले जानकारी दिए । आज अपराह्न ४ बजे प्रदेशसभा बैठक बोलाएको थियो । आज बोलाइएको बैठक आइतबार दिउँसो १ का लागि सारिएको जोशीले जानकारी दिए ।

यसैबिच, प्रधानमन्त्री केपी शर्मा ओलीले आइतबार सुदूरपश्चिम प्रदेशसभाबाट विशेष सम्बोधन गर्ने बताइएको छ । एक कार्यक्रममा सहभागी हुन कञ्चनपुरको महेन्द्रनगर आउन लागेका प्रधानमन्त्रीले सम्भवतः प्रदेश सभाबाट पनि विशेष सम्बोधन गर्ने जनाइएको छ । तर सचिवालयमा आधिकारिक जानकारी भने अहिलेसम्म नआएको जोशीले बताए ।