पत्रकार उपाध्यायको द्वन्द्व पत्रकारिताको एक दशक पुस्तकको दोस्रो संस्करणको विमोचन

काठमाण्डौं, ३० माघ ।
पत्रकार दीर्घराज उपाध्यायद्धारा लिखित द्वन्द्व पत्रकारिताको एक दशक पुस्तकको दोस्रो संस्करणको बुधवार काठमाण्डौंमा बिमोचन गरिएको छ ।

नेपाल पत्रकार महासंघकी अध्यक्ष निर्मला शर्मा, बरिष्ठ मानवअधिकारकर्मी मन्दिरा शर्मा, मानव अधिकार पत्रकार संघका अध्यक्ष तथा लेखक घनश्याम खड्का, द्वन्द्व पीडित पत्रकार नगेन्द्र उपाध्यायले उपाध्यायद्धारा लिखित द्वन्द्व पत्रकारिताको एक दशक पुस्तकको बुधवार काठमाण्डौंमा आयोजित एक कार्यक्रममा विमोचन गरेका हुन् ।

महासंघकी अध्यक्ष शर्माले उपाध्यायद्धारा लिखित द्वन्द्व पत्रकारिताको एक दशक पुस्तक पत्रकारहरुले पढ्नै पर्ने दस्तावेज भएको बताईन् ।

उनले १० वर्षे माओवादी सशस्त्र द्वन्द्वमा नेपाली समाज र पत्रकारहरुले भोगेको अवस्था पुस्तकमा समेटिएको बताईन् ।
पत्रकार उपाध्यायले द्वन्द्वको १० वर्षमा नेपाली पत्रकारहरुले भोगेको पीडा, प्रताडता, संघर्ष र युद्ध पत्रकारिताको अनुभवलाई पुस्तकमा उतारेको बताए ।

२४ शीर्षक तथा पाँच परिशिष्टमा बिभाजित पुस्तकमा द्वन्द्वको अवधिमा हत्या, बेपत्ता, र प्रताडता भोगेका पत्रकारहरुको अवस्था, प्रेस स्वतन्त्रता उल्लंघनका घट्ना, द्वन्द्वको अवधिमा सुरक्षाफौज र विद्रोहीद्धारा भएका जघन्य अपराधका घट्नाहरुका बारे चित्रण गरिएको उपाध्यायले बताए ।

उपाध्यायद्धारा लिखित द्वन्द्व पत्रकारिताको एक दशक पुस्तकको पहिलो संस्करणको २०८१ भदौ १० गते पूर्व प्रधानमन्त्री शेर बहादुर देउवा, पूर्व मन्त्री लेखराज भट्ट र नेपाल पत्रकार महासंघका पूर्व अध्यक्षहरुले काठमाण्डौंमा बिमोचन गरेका थिए ।