एनपीएलमा आज : चितवन र कर्णाली तथा लुम्बिनी र पोखरा भिड्दै

काठमाडौं, २१ मंसिर ।
कीर्तिपुरस्थित खेल मैदानमामा जारी नेपाल प्रिमियर लिग (एनपीएल) अन्तर्गत आज दुई वटा खेल हुदैछन् । पहिलो खेल चितवन राइनोज र कर्णालीबीच हुदैछ । दोस्रो खेल लुम्बिनी लायन्स र पोखराबीच हुनेछ ।

पहिलो खेल बिहान ९ः १५ बजेबाट सुरू हुनेछ । जनकपुर बोल्टससँग ८ बिकेटले र काठमाडौं गोर्खाजसँग तीन विकेटले पराजित भएको कर्णाली यो खेल जीत्नै पर्ने दबाबमा छ । पोखरालाइ ७२ रनले हराएको चितवन राइनोजलाइ दोस्रो खेलमा जीत हासिल गर्न दबाब बढने छ । भारतीय चर्चित खेलाडी शिखर धवनले ७२ रन जोडे पनि अन्ततः कर्णाली काठमाडौंसँग ३ बिकेटमा पराजित भएको थियो ।

आजको दोस्रो खेल लुम्बिनी लायन्स र पोखरा एभेन्जर्सबीच अपरान्ह १ः १५ बजे शुरु हुनेछ ।

आज हुने पहिलो खेलमा चितवनको नेतृत्व कुशल मल्लले गर्दैछन् भने कर्णालीबाट सोमपाल कामीले नेतृत्व गर्नेछन् । एनपीएल गत शुक्रबारबाट सुरू भएको थियो । एनपीएलको विजेता टोलीले १ करोड ११ लाख रुपैयाँ पाउने भएको छ ।

प्रतियोगिताको उपविजेताले ५० लाख, तेस्रो हुने टिमले ३० लाख र चौथो हुने टिमले २० लाख रुपैयाँ पाउने आयोजकले जनाएको छ।