रौतहटको गढीमाई-८ मा एकीकृत समाजवादीका यादव निर्वाचित
१७ मंसिर २०८१ १:५५
रौतहट — गढीमाई नगरपालिका–८ को वडाध्यक्षमा नेकपा एकीकृत समाजवादीका बजरंगीप्रसाद यादव निर्वाचित भएका छन् । यादवले ६५५ मत पाए ।
उनका निकटतम् प्रतिद्वन्द्वी नेकपा एमालेकी जिउती देवी यादवले ६३१ मत ल्याइन् ।
२०७९ सालको स्थानीय तहको निर्वाचनमा पनि यो वडामा जसपा नेपालका रामाज्ञा राय यादवले जितेका थिए । उनकी पत्नी जिउती एमाले प्रवेश गरेर चुनाव लडेकी हुन् । तर पराजित भइन् ।
मुख्य निर्वाचन अधिकृतको कार्यालयका अनुसार नेपाली कांग्रेसका सुबोधकुमार यादबले ६१७ मत प्राप्त गरेका छन् । यहाँ २ हजार ७५१ मतदाता रहेकोमा २ हजार २३७ मत खसेको थियो ।
ट्रेन्डिङ
ताजा समाचार
सम्बन्धित
