दार्चुलामा जीप दुर्घटनामा सात जनाको मृत्यु, छ घाईते

दार्चुला,३० कात्तिक ।

दार्चुलामा जीप दुर्घटनामा परी सात जनाको मृत्यु भएको छ भने छ जना घाईते भएका छन् ।

जिल्ला प्रहरी कार्यालय दार्चुलाका प्रवक्ता प्रहरी निरीक्षक छत्र रावतका अनुसार मालिकार्जुनबाट गोकुलेश्वरतर्फ गईरहेको म १ ज ३३८ नम्बरको जीप शुक्रबार बिहान ४ बजे महाकाली लोकमार्ग अन्तर्गत शैल्यशिखर नगरपालिका–६ बजानीमा दुर्घटना हुदा छ जनाको घट्नास्थलमा र एक जनाको गोकुलेश्वर अस्पतालमा उपचारका क्रममा मृत्यु क्रममा मृत्यु भएको हो ।

प्रहरीका अनुसार मृतकको सनाखत हुन सकेको छैन । घाईतेहरुको गोकुलेश्वर अस्पतालमा उपचार भईरहेको छ । मालिकार्जुन मन्दिरको जात्राबाट फर्किदै गरेका दर्शनार्थी चढेको जीप दुर्घटनामा परेको हो । जीप सडकबाट सय मिटर तल खसेको थियो ।