भारतविरुद्धको दोस्रो टी–२० खेलमा साउथ अफ्रिकाको जित हात

सेन्ट जर्ज पार्कमा आइतबार भएको भारतविरुद्धको दोस्रो टी–२० खेलमा साउथ अफ्रिकाले जित हात पारेको छ।

साउथ अफ्रिकाले १२५ रनको लक्ष्य निर्धारित ओभरको १ ओभर बाँकी छँदै भारतमाथि ३ विकेटको जित हासिल गरेको हो।

साउथ अफ्रिकाको जितका लागि ट्रिस्टन स्टब्सले नट आउट रहँदै सर्वाधिक ४७ रनको पारी खेले। त्यस्तै रेजा ह्यान्ड्रिक्सले २४ रन बनाउँदा गेराल्ड कोएत्जीले १९ रन बनाए। जबकी र्यान रिकेल्टनले १३ रन जोडे।

टस हारेर पहिला ब्याटिङ्ग गरेको भारतले निर्धारित आभेरमा ६ विकेट गुमाएर मात्र १२४ रन बनाएको थियो। भारतका हार्दिक पाण्ड्याले नट आउट रहँदै ३९ रन जोडे भने अक्षर पटेलले २७ अनि तिलक वर्माले २० रन जोडे। त्यसबाहेक अन्य कुनैपनि खेलाडीले दोहोरो रन बनाउन सकेनन्।

भारतलाई सस्तोमै समेट्न दक्षिण अफ्रिकाका मार्को जेनसन, गेराल्ड कोएत्जी, एन्डिल सिमलेन, एडन मार्करम र नक्बायोम्जी पिटरले समान १/१ विकेट लिए।

४ खेलको यस सिरिजको पहिलो खेल भारतले जितेको थियो। साउथ अफ्रिकाले आइतबारको खेल जितेसँगै दुबैको समान १/१ अङ्क भएको छ।

भारत र साउथ अफ्रिकाबीचको तेस्रो खेल बुधबार हुनेछ।