कोलोराडोमा दशैं–तिहार शुभकामना साँझ सम्पन्न

कोलोराडो, २९ अक्टोबर ।

रक्की माउण्टेन फ्रेन्डस अफ नेपालको आयोजनामा शनिवार कोलोराडोमा दशैं-तिहार शुभकामना साँझ सम्पन्न भएको छ ।

प्रमुख अतिथि रक्की माउण्टेन फ्रेन्डस अफ नेपाल पूर्व अध्यक्ष धर्मराज श्रेष्ठ र बिशिष्ट अतिथि ज्योतिष बिहंगम राज तिमिल्सेनाले पानसमा बत्ती लागेर संयुक्त रुपमा उद्घाटन गरिएको शुभकामना साँझको शुरुवातमा सहभागीहरुले नेपाल र अमेरिकाको राष्ट्रिय गान गाएका थिए ।

कार्यक्रममा दशैं तथा दीपावलीको शुभकामना दिदै प्रमुख अतिथि श्रेष्ठ र बिशिष्ट अतिथि तिमिल्सेनाले कोलोराडोमा नेपाली, भाषा, संस्कृति र परम्पराको जगेर्नाका लागि रक्की माउण्टेन फ्रेन्डस अफ नेपालले खेलेको भूमिकाको प्रशंसा गरे ।

संस्थाका अध्यक्ष अर्जुन बगालेले रक्की माउन्टेण्न फ्रेन्डस अफ नेपालले कोलोराडामा नेपाली भाषा, संस्कृति, परम्पराको संरक्षण र सम्बद्र्धनका लागि बिभिन्न कार्यक्रम आयोजना गर्दै आएको बताए ।

उनले दशैं तथा दीपावलीको शुभकामना दिदै कार्यक्रममा उपस्थित भएकोमा सम्पूर्ण सहभागीहरुलाई धन्यवाद दिए ।

कार्यक्रममा हालै नेपाल प्रज्ञा प्रतिष्ठानको प्रज्ञा अन्तरदेशीय पुरस्कार २०८० बाट सम्मानित अनेसास बोर्ड अफ ट्रष्टिका अध्यक्ष पदम बिश्वकर्मालाई बधाई सहित सम्मान गरिएको थियो ।

कार्यक्रममा भारतीय गायिका क्विन्सी चेट, गायक मनिष विश्वकर्मा, सम्झना पाण्डेय, मनोजराज सिवाकोटीले गीत गाएर सहभागीहरुलाई मन्त्रमुग्ध गरेका थिए । कार्यक्रममा बालकलाकारहरुले समेत आफ्नो प्रतिभा प्रस्तुत गरेका थिए ।

रक्की माउण्टेन फ्रेन्डस अफ नेपालका अर्जुन अध्यक्ष बगालेको अध्यक्षतामा सम्पन्न कार्यक्रमको सञ्चालन महासचिव आकृती राई अधिकारी र कल्चर सेक्रेटरी निशा पाठकले सञ्चालन गरेकी थिईन।