रियल मड्रिडमाथि बार्सिलोनाको सानदार जित

एल क्लासिकोमा बार्सिलोनाले सानदार जित निकालेको छ।

गएराति रियल मड्रिडलाई उसकै घरमा ४-० गोलले हराउँदै बार्सिलोनाले शीर्षस्थान थप मजबुत बनाएको हो।

रियलमाथि सानदार जित निकाल्ने क्रममा रोबर्ट लेवान्डोस्कीले दुई गोल गरे भने लामिन यामल र कप्तान राफिन्हाले एक/एक गोल गरे।

खेलको पहिलो हाफ बराबरीमा सकिएको थियो। बार्सिलोनाले चारै गोल दोस्रो हाफमा गरेको थियो। दोस्रो हाफको ५४ औं मिनेटमा लेवान्डोस्कीले गोलको खाता खोल्दै टिमलाई पहिलो अग्रता दिलाए। लगत्तै ५६ औं मिनेटमा अग्रता दोब्बर पारे।

७७ मिनेटमा लामिन यामल र ८४ औं मिनेटमा राफिन्हाले गोल गरेपछि बार्सिलोना ४-० गोलले विजयी भएको हो।

जितसँगै बार्सिलोनाले शीर्षस्थानमा ६ अंकको अन्तर छ। ११ खेलमा १० खेल जित्दै बार्सिलोनाले ३० अंक जोड्दा दोस्रो स्थानमा रहेको रियल मड्रिडको २४ अंक छ।