जलवायु परिवर्तनले नेपालमा पारेको असर र क्षतिपूर्तिका लागि प्रधानमन्त्री ओलीको जोड

न्युयोर्क — प्रधानमन्त्री केपी शर्मा ओलीले जलवायु परिवर्तनले नेपालमा पारेको असर र क्षतिपूर्तिका लागि संयुक्त राष्ट्र संघको ध्यानाकर्षण गरेका छन् ।

संयुक्त राष्ट्र संघको ७९औं महासभाको उच्चस्तरीय छलफलमा बिहीबार सम्बोधन गर्दै प्रधानमन्त्री ओलीले जलवायु परिवर्तनले नेपालमा पारेको असर र यसको क्षतिपूर्तिका लागि ध्यानाकर्षण गरेका हुन् ।

उनले जलवायु परिवर्तनबाट नेपाल बढी प्रभावित भएको विश्व समुदायलाई बताए। उनले अगाडि भने,हामी जलवायु परिवर्तनको लागि सबैभन्दा कमजोर राष्ट्रहरूमध्ये एकको रूपमा खडा छौं र विश्वको २० औं सबैभन्दा प्रकोपको जोखिममा पारेको देशको रूपमा सूचीकृत गर्छौं ।

उनले प्रधानमन्त्री ओलीले जलवायु परिवर्तन पृथ्वी, मानिस र सम्बृद्धिको लागि सबैभन्दा ठूलो खतराका रूपमा देखा परेको बताए ।

हिमालयले हिउँको भण्डारण गरेको चर्चा गर्दै प्रधानमन्त्री ओलीले त्यसले नेपालको सिमानाभन्दा पर तलसम्म फैलिएको अर्बौं मानिसहरूका लागि पानी उपलब्ध गराएको बताए । उनले भने, नेपालले आफ्नो वन, पहाड र नदीहरूमार्फत हाम्रो ग्रहको स्वास्थ्यमा ठूलो योगदान दिइरहेको छ । त्यसका बाबजुद पनि हामी जलवायु परिवर्तनको पीडा सहन जारी राख्छौं । यस सन्दर्भमा हामी जलवायु न्यायको लागि आह्वान गर्दछौं ।

ओलीले जलवायु परिवर्तन विश्वव्यापी चुनौती भएकाले त्यसको व्यापक र आवश्यक प्रभावलाई सम्बोधन गर्न विश्वव्यापी कार्य र सहयोगी प्रयासहरूको माग रहेको बताए ।