महाकालीमा खसेर एक मजदुर बेपत्ता
११ असोज २०८१ १६:३३
झुलाघाटस्थित महाकालीमा खसेर एक नेपाली मजदुर बेपत्ता भएका छन्। भारतको पिथौरागढमा मजदुरी गर्दै आएका बैतडी पुरचौडी नगरपालिका- ५ कुवाकोटका ३३ वर्षीय अमरसिंह धामी शुक्रबार ११ बजेतिर महाकालीमा खसेका हुन्।
झुलाघाट बजारको मौराभिरनजिक सडकछेउतिर हिँडिरहेका धामी चिप्लिएर महाकालीमा खसेर बेपत्ता भएको प्रहरीले जनाएको छ। बेपत्ता धामीको खोजीकार्य भइरहेको जिल्ला प्रहरी कार्यालय बैतडीका प्रहरी निरीक्षक जनक ढुंगानाले बताए। धामीका आफन्तका अनुसार उनले मदिरा सेवन गरेका थिए ।
ट्रेन्डिङ
सम्बन्धित
