भट्टका विरुद्ध सर्वोच्च अदालतमा परेको पूरक निवेदन अस्वीकार
काठमाण्डौं, १७ बैशाख ।
नेपाल राष्ट्र बैंकको गभर्नरमा डा. गुणाकर भट्टको योग्यता नपुग्ने भन्दै सर्वोच्च अदालतमा परेको पूरक निवेदन इजलासले अस्वीकार गरेको छ ।
बुधबार न्यायाधीशद्वय तिल प्रसाद श्रेष्ठ र वालकृष्ण ढकालका इजलासले उक्त पूरक निवेदन अस्वीकार गरेको हो ।
राष्ट्र बैंकको १८औँ गभर्नरको रूपमा भट्टको सम्भावित नियुक्ति विरुद्ध अधिवक्ता प्रतिभा उप्रेती र विशाल थापाले बैशाख ४ गते रिट दायर गर्दै भट्टको नियुक्ति प्रक्रिया कानुनी मापदण्डविपरीत भएको जिकिर गरेका थिए ।
उक्त रिटमा प्रधानमन्त्री तथा मन्त्रिपरिषद्को कार्यालय, प्रधानमन्त्री केपी शर्मा ओली, अर्थ मन्त्रालय, कांग्रेस सभापति शेरबहादुर देउवा, गभर्नर सिफारिस समिति, राष्ट्र बैंकको केन्द्रीय कार्यालय र डा. भट्टलाई विपक्षी बनाइएको थियो।
सर्वोच्च अदालतको न्यायाधीशद्वय श्रेष्ठ र ढकालका ईजलासले अधिवक्ता उप्रेती र थापाको पूरक निवेदन अस्वीकार गरेको हो ।
अनुमानका भरमा सर्वोच्च अदालतमा दायर गरिएको सोही रीटलाई देखाउदै सरकारले गभर्नर नियुक्तिको प्रकृयामा ढिलाई गरेको थियो ।
ट्रेन्डिङ
सम्बन्धित
