नेपाल राष्ट्र बैंकका गर्भनर बन्न कार्यकारी निर्देशकबाट दिए भट्टले राजिनामा
काठमाण्डौं, ५ बैशाख ।
सत्ता साझेदार प्रमुख दुई दल नेपाली काँग्रेस र नेकपा एमालेका शीर्ष नेताबीच नेपाल राष्ट्र बैंकको गभर्नरमा सहमती जुटेपछि नेपाल राष्ट्र बैंकका कार्यकारी निर्देशक डा. गुणाकर भट्टले पदबाट राजिनामा दिएका छन् ।
प्रधानमन्त्री केपी शर्मा ओली र नेपाली काँग्रेसका सभापति शेर बहादुर देउवाबीच आफूलाई गर्भनर बनाउने सहमती भएपछि भट्टले कार्यकारी निर्देशक पदबाट राजिनामा दिएका हुन् । उनले कायम मुकाम गभर्नर निलम ढुंगाना तिम्सिनालाई राजिनामा बुझाएका हुन् ।
राजनैतिक नेतृत्वले राजिनामा दिन सुझाव दिएपछि कार्यकारी निर्देशक पदबाट आफूले राजिनामा दिएको द एभरेष्ट पोष्टलाई जानकारी दिए ।
भट्टको राजिनामा स्वीकृत भएको जानकारी भने प्राप्त नभएको स्रोतले बतायो । ढुंगाना स्वयम गभर्नरको दौडमा थिईन् । ढुंगानाले राजिनामा स्वीकृत नगरेपनि डा.भट्टलाई गभर्नर नियुक्त गर्न कुनै बाधा हुनेछैन् ।
सरकारले सम्भवत सोमवारको मन्त्री परिषदको बैठकबाट डा. भट्टलाई गभर्नर नियुक्त गर्ने छ ।
राष्ट्र बैंक ऐन, २०५८ को दफा २० मा गर्भनर पदमा नियुक्त हुने व्यक्ति नेपालको नागरिक हुनुपर्ने, उच्च नैतिक चरित्र भएको हुनुपर्ने तथा आर्थिक मौद्रिक, बैंकिङ, वित्तीय, वाणिज्य, व्यवस्थापन, जनप्रशासन, तथ्यांकशास्त्र, गणित वा कानुन विषयमा कम्तीमा स्नातकोत्तर उपाधि हासिल गरेको र १० वर्षको कार्य अनुभव भएको हुनुपर्ने व्यवस्था छ ।
ट्रेन्डिङ
सम्बन्धित
