अछामको जयगढका अग्नि पीडितलाई प्रदेश सरकारले ५० लाख दिने निर्णय
धनगढी, २७ चैत्र ।
अछामको बान्नीगढी जयगढ गाउँपालिकाको जयगढ बजारका आगलागी पीडितलाई सुदूरपश्चिम प्रदेश सरकारले ५० लाख रुपैयाँ आर्थिक सहयोग गर्ने निर्णय गरेको छ ।
मंगलवार राति ग्याँस लिक भएर लागेको आगो फैलिएर जयगढ बजारका २७ पसल जलेर नष्ट भएका थिए ।
बुधबार बिहान बसेको प्रदेश विपद् जोखिम न्यूनीकरण तथा नियन्त्रण परिषद्को जयगढ बजारका आगलागी पीडितहरुलाई ५० लाख सहयोग गर्ने निर्णय गरेको मुख्यमन्त्री कमलबहादुर शाहले बताए ।
मुख्यमन्त्री शाहले आगलागीबाट भएको क्षतिको विवरण लिन प्रदेश सरकारका तर्फबाट सामाजिक विकासमन्त्री मेघराज खड्का र आन्तरिक मामिलामन्त्री हीरा सार्कीलाई जयगढ पठाउने निर्णय गरिएको बताए ।
मुख्यमन्त्री शाहले आगलागीबाट भएको क्षतिको प्रारम्भिक विवरण प्राप्त भएको र सोका आधारमा तत्काल ५० लाख रुपैया सहयोग गर्ने निर्णय गरिएको बताए ।
तस्वीर : धनराज साँउद
ट्रेन्डिङ
सम्बन्धित
