पत्रकार थापाको काठमाण्डौंमा कर्णाली चिनाउने अभियान जारी

काठमाण्डौं, २३ चैत्र ।
काठमाण्डौंको बानेश्वरको चौकबाट शंखमुल जाने बाटोमा रहेको एनबी सेन्टरको पहिलो तलामा क्याफे छ । त्यही क्याफेमा चार साता यता कर्णाली चिनाउने अभियान जारी छ । अभियानको नेतृत्व गरिरहेका पत्रकार भरतबन्धु थापाले सातामा दुई दिन शुक्र र शनिवार क्याफेमा कर्णाली चिनाउने तस्वीरहरुको प्रदर्शन गर्दै आएका छन् ।

दैलेख, मुगु र डोल्पापछि यो साता जुम्ला चिनाउने तस्वीरहरु प्रदर्शनीमा राखिएका छन् ।

थापाले शब्द,दृश्य,चित्र र उत्पादनका माध्यमबाट कर्णाली चिनाउने यो अभियानलाई कनेक्टिङ कर्णाली नाम दिएका छन् ।

यो साता चित्रमा जुम्लालाई चिनाउने तस्वीरहरु प्रर्दशनीमा राखिएको आयोजक मनघरी फाउण्डेशनका अध्यक्ष एव कनेक्टिङ कर्णालीका परिकल्पनाकार भरतबन्धु थापाले बताए ।

फाउण्डेसन स्थापना भएको एक दशकको अवसरमा संघीय राजधानीमा कर्णाली प्रदेशका जिल्लाहरुलाई शब्द,चित्र र भिडियोका साथै कर्णालीमा उत्पादित सामग्रीहरु मार्फत कर्णालीका संम्भावना र सुन्दरतालाई उजागर गर्ने उद्देश्यले कनेक्टिङ कर्णाली अभियान सञ्चालन गरेको अध्यक्ष थापाले बताए ।

थापाले दैलेख,डोल्पा र मुगु पछि चौथो श्रृंखलामा जुम्ला चिनाउने तस्वीरहरु प्रदर्शनीमा राखिएको बताए ।

कर्णाली पर्यटनको प्रचुर संभावना बोकेको प्रदेश हो, थापाले भने, तिनै संभावनाको प्रचार प्रसारका लागि कर्णाली प्रदेशका १० वटै जिल्लाका पर्यटकीय क्षेत्रको प्रवद्र्धनका लागि कनेक्टिङ कर्णाली अभियान सञ्चालन गरेका हौ ।

तस्वीर अवलोकनका लागि शनिवार विहान प्रदर्शनीस्थल पुगेका पर्यटन व्यवसायी अमर बहादुर शाहीले कनेक्टिङ कर्णाली अभियानले नयाँ पर्यटकीय गन्तव्यको प्रचार प्रसारमा योगदान पुग्ने बताए ।

प्रर्दशनीमा राखिएका तस्वीरहरु थापासंगै पत्रकार एलपी देवकोटा,विशाल सुनार र कुबेरराज कार्कीले खिचेका हुन् । प्रदर्शनीमा १९ वटा तस्वीर राखिएका छन् ।
फोटो क्याप्सन
१ चन्दनाथ भैरवनाथ मन्दिर
हिन्दुहरुको महान पर्व दशैको घटस्थापनमा दिन चन्दनाथ भैरवनाथ मन्दिर परिसरमा रहेको लिङ्गा फेर्ने गरिन्छ । लिङ्गा फेर्नका लागि सरकारी तर्फबाट स्थानीको प्रशासनको अगुवाईमा नेपाली सेना र नेपाल प्रहरी सहित स्थानीयको सहयोगमा फेर्ने गरिन्छ ।
२ सिंजा उपत्यका
हवाईजहाज बाट देखिएको हिउँदको समयमा नेपाली भाषाको उद्गम स्थल सिजा उपत्यका ।
३ दुम्चेमा मार्सि चामल कुट्दै
आखेलमा मार्सि चामल ९स्थानिय भाषमा दुम्चे ० कुट्दै स्थानिय । विश्वकै अग्लो स्थानम फल्ने मार्सिधान जुम्ला जिल्लाको पहिचान हो । धान कुट्नका लागि स्थानिय तवरमा आधुनिक मिल अभावका कारण टोल र छरछिमेक मिलेर परमपरागत रुपमा धान कुट्ने गरिन्छ । यसरी कुटेको धान मिलमा कुटेको भन्दा अर्गानीक हुनुका साथै रातो पनी देखिन्छ ।
४ पञ्चे बाजा
पञ्चे बाजा बजाउदै स्थानिय, चाढ पर्वका साथै खुसियाली तथा शुभ कार्यमा बजाउने गरिन्छ ।

५ कनका सुन्दरी मन्दिर
नेपाली भाषाको उदगम थलो सिजा उपत्यकामा रहेको कनका सुन्दरी मन्दिर जुम्लामा मात्र नभएर कर्णाली प्रदेशमै प्रख्यात मन्दिर हो । यो मन्दिरमा दशैमा मेला लाग्ने गर्दछ ।
६ रेडपाण्डा
जुम्ला जिल्लाको तातोपानी गाँउपालीकामा भेटीएको विश्वकै दुर्लभ रेडपाण्डा ।

७ गुठीचौर
गुठीचौर गाँउपालीकामा अवस्थित चरन क्षेत्र । यो क्षेत्रमा नेपालकै उच्च स्थानमा भेडापालनको लागि प्रख्यात रहेको छ । यहाँ पालेका भेडाहरको उन स्वदेशमा मात्र नभएर विदेशमा समेत प्रख्यात रहेको छ । बर्षातको समयमा स्वदेशी पर्यटकको आउने गर्दछन । जुम्ला जिल्लाको सदरमुकाम जुम्ला बजार देखि दुई घण्टाको यात्रा पश्चात पुग्न सकिन्छ ।

८ जलयात्रा
जुम्ला जिल्लाको तिला नदिरमा जलयात्रा गर्दै आन्तरीक पर्यटकरु । जुम्ला जिल्लाको सदरमुकाम भएर बग्ने तिला नदि कर्णाली नदीमा मिसीन पुग्दछ ।

९ गाईजात्रा
भदौ महिनमा कर्णाली प्रदेशको सबैभन्दा लामो जात्राका लाग्ने गर्दछन । त्यही जात्राको पहिलो दिन गाईजात्रा मनाउदै स्थानियहरु । गाईजात्रा देखि सुरुभएको जात्रा कृष्ण अष्टमीको भोली पल्ट समाप्त हुने गर्दछ ।

१० जुम्ला जिल्ला स्याउ उत्पादनको लागि प्रख्यात रहेको छ । जुम्लामा उत्पादित स्याउहरु नेपालभर निर्यात समेत हुने गर्दछ । स्याउ मात्र नभएर स्याउ बाट उत्पादित जुस, जाम ,चाना र मादक पर्दाथ लगाएत अन्य सामाग्रीहरु प्रख्यात रहेको छ ।

११ खंलगा बजार
जुम्ला जिल्लाको सदरमुकाम खलंगा बजारको हवाइ जहाजबाट लिएको दृश्य । कर्णाली प्रदेशकै दोस्रो ठूलो ब्यापारीक शहरुको रुपमा खलंगा बजार परिचित रहेको छ ।
१२ पातरासी हिमाल
जुम्ला जिल्लामा रहेको पातारासी हिमाल । यो हिमालमा सधै हिउ जम्ने गरेको छ ।
१३ चेरे चौर
जुम्ला जिल्लाको चन्दनानाथ नगरपालिकामा अवस्थित चेरे चौर । यो चौरमा भेडा गाई वस्तु चराउने गर्दछन् । चरन क्षेत्रको रुपमा प्रख्यात यो ठाउँमा अहिले कर्णाली स्वास्थ्य विज्ञान प्रष्तिष्ठानको शैक्षिक भवनहरु निर्माण हुन थालेको छ ।
१४ गिडि दह
जुम्ला जिल्लाको तातोपानी गाउँपालिमा रहेको गिडि दह (ताल) । प्रचार प्रसारमा खासै धेरै नआएको जुम्लाकै ठूलो दह (ताल ) मध्येको एक ताल हो । अहिले पालिकाले यो ताल प्रचार प्रसार गर्दै आन्तिरीक तथा वाहीय पर्यटक भित्राउन थालेको छ ।
१५ लिङ्गा रक्छीदै
जुम्ला जिल्लाको सदरमुकाम खलंगा बजरामा रहेका प्रसिद्ध चन्दनाथ भैरवनाथ मन्दिरको लागि लिङ्गा तान्दै ।
१६ न्यउरी गाउँ
जुम्ला जिल्लाको कनकासुन्दरी गाउँपालिकाम रहेको न्यउरी गाउँ । जुम्लाबाट रारा जादा पैदल यात्रीले यही गाउँमा वास बस्ने गर्दथे ।
१७ पञ्चदेवल
जुम्ला जिल्लाको चन्दननाथ नगरपालिका मिचा गाउँमा रहेको पञ्चदेवल ।
१८ लिनो
घरको एक तला बाट अर्को तलामा जानका लागि बनाईको लिनो ।
१९ उन कात्दै
स्थानिय भेडाको उनलाई कपडा बनाउनका लागि धागो कात्दै जुम्लाका स्थानिय । यहाँ उत्पादीत कपडाहरु स्थानिय स्तरमा मात्र नभएर देशभर निर्यात समेत हुने गर्दछ ।