तीनकुने घटनाको दोषीलाई कारबाही गर्ने मन्त्रिपरिषद्को निर्णय
१५ चैत २०८१ ६:२९
काठमाडौं, १६ चैत ।
सरकारले तीनकुनेमा शुक्रबार भएको घटनाका दोषीलाई कारबाही गर्ने भएको छ ।
शुक्रबार साँझ बालुवाटारमा बसेको मन्त्रिपरिषद् बैठकले तीनकुने घटनाको सत्य-तथ्य छानबिन गरी दोषीउपर कारबाही गर्ने निर्णय गरेको हो ।
सरकारका प्रवक्ता एव् सञ्चार तथा सूचना प्रविधिमन्त्री पृथ्वी सुब्बा गुरुङले बैठकले आगामी दिनमा यस्ता घटना हुन नदिन गृह मन्त्रालयलाई निर्देशन दिने निर्णय गरेको समेत जानकारी दिए ।
बैठकले प्रदर्शनका क्रममा घाइते भएकाहरुको उपचारको व्यवस्था मिलाउन स्वास्थ्य तथा जनसंख्या मन्त्रालयलाई निर्देशन दिएको छ ।
शक्रवार दुर्गा प्रसाई नेतृत्वको राजावादीहरुको आन्दोलनका क्रममा दुई जनाको मृत्यु भएको थियो । सोही क्रममा आन्दोलनकारीहरुले लुटपाट र आगजनी समेत गरेका थिए ।
ट्रेन्डिङ
सम्बन्धित
