तीनकुनेमा प्रहरीले चलायो गोली

काठमाडौं – राजधानीको तीनकुनेमा प्रदर्शन उग्र बन्दै गएपछि प्रहरीले स्थितिलाई नियन्त्रणमा लिन गोली चलाएको छ ।

राजावादी प्रदर्शनकारीहरूले प्रहरीमाथि ढुंगामुढा थालेपछि प्रहरीले सुरुवातमा लाठीचार्ज, पानीको फोहोरा र अश्रुग्यास प्रहार गर्न थाले। तर, स्थिति नियन्त्रणमा नआएपछि प्रहरीले रबरको गोली र रियल गोली प्रहार गरेको छ।

प्रहरीको गोली लागेर एक प्रदर्शनकारी घाइते भएका छन्। उक्त घाइतेलाई तिनकुनेस्थित कान्तिपुर अस्पतालमा लगिएको छ, जहाँ उनको उपचार भइरहेको छ। घाइते प्रदर्शनकारीको कम्मरमा गोली लागेको जानकारी प्राप्त भएको छ।

झडपमा ७ जना सशस्त्र प्रहरी घाइते भएका छन्, र नेपाल प्रहरीका केही जवानहरू पनि घाइते भएको जानकारी प्राप्त भएको छ।