बिहार संग्रहालयमा रागिनी उपाध्यायको ‘तेस्रो रेट्रोस्पेक्टिभ प्रदर्शनी’
काठमाडौं,१३ चैत ।
नेपाल ललितकला प्रज्ञा–प्रतिष्ठानका पूर्व तथा पहिलो महिला कुलपति रागिनी उपाध्यायको ‘तेस्रो रेट्रोस्पेक्टिभ प्रदर्शनी’ भारतको पटनास्थित बिहार संग्रहालयमा सुरु भएको छ ।
मार्च ८ मा अन्तर्राष्ट्रिय महिला दिवसको अवसर पारेर प्रदर्शनी सुरु भएको हो ।
बिहार संग्रहालयको आयोजना, बीपी कोइराला भारत नेपाल फाउन्डेसनको सहयोग र रागिनी उपाध्याय आर्ट फाउन्डेसनको संयोजनमा भएको प्रदर्शनीमा कलाकार उपाध्यायले सन् १९७८ देखि (विद्यार्थीकालदेखि) हालसम्म बनाएका सय भन्दा बढी कलाकृति रहेका छन् ।
प्रदर्शनीमा अवलोकनकर्ताको उत्साहपूर्ण सहभागिता रहेको र यसले आफूले थप प्रोत्साहित बनाएको उपाध्यायले बताए ।
बिहार संग्रहालयले नेपाली कलाकारहरूको सामूहिक प्रदर्शनी गरेता पनि एकल प्रदर्शनीका लागि भने पहिलोपटक कलाकार उपाध्यायलाई छनोट गरेको हो ।
कलाकार उपाध्यायको ७१ औं एकल कला प्रदर्शनी हो भने सङ्ग्रहालयमा गरिएको पहिलो एकल कला प्रदर्शनी हो ।
समग्रमा यो उपाध्यायले यसअघि सन् २०२३ मा क्रमशः नेपाल र बेल्जियममा रेट्रोस्पेक्टिभ प्रदर्शनी गरिसकेका छन् । प्रदर्शनी अप्रिल ७ सम्म चल्नेछ ।
प्रदर्शनीको उद्घाटन समारोहमा भारतका लागि नेपालका राजदूत शङ्करप्रसाद शर्मा, पद्म श्री विजेता निर्मला देवी, बिहार संग्रहालयका डाइरेक्टर अन्जनीकुमार सिंह, एडिस्नल डाइरेक्टर अशोककुमार सिन्हालगायतको विशेष उपस्थिति रहेको थियो ।
ट्रेन्डिङ
सम्बन्धित
