जेलेन्स्कीको पक्षमा उभिए विश्व नेताहरु

  काठमाडौं । अमेरिकी राष्ट्रपति डोनाल्ड ट्रम्प र उपराष्ट्रपति जेडी भेन्ससँग भनाभन भएपछि ह्वाइस हाउसबाट निकालिएका युक्रेनी राष्ट्रपति भोलोदिमिर जेलेन्स्कीको पक्षमा विश्वभरका नेताहरुले साथ दिएका छन् ।

खासगरि यूरोपेली नेताहरु तथा क्यानेडीयन नेताहरुले उनलाई साथ दिएका हुन् । पोल्याण्डका प्रधानमन्त्री डोनाल्ड टस्कले जेलेन्स्की एक्लै नभएको बताएका छन् ।

स्पेनी प्रधानमन्त्री पेद्रो सान्चेसले आफ्नो देश युक्रेनको पक्षमा उभिने लेखेका छन् भने युरोपेली आयोगकि सभापति उर्सुला भोन देर लेयेनले पनि साथ भएको उल्लेख गरेकी छन् ।

फ्रान्सका राष्ट्रपति इम्यानुएल म्याक्रोन तथा क्यानडाका कार्यबाहक प्रधानमन्त्री जस्टिन ट्रूडो तथा न्यूजिल्याण्डका प्रधानमन्त्री क्रिस्टोफर लुक्सोनले साथ दिएको बताएका छन् ।

उनीहरुले सामाजिक संजालमा जेलेन्स्कीलाई मेन्सन गरेर यस्तो उल्लेख गरेका छन् । यीबाहेक यूरोपेली संघका साना मझौला अरु देशहरुले पनि साथ दिएको उल्लेख गरेका छन् ।