शेर बहादुर देउवा त्यत्तिकै बन्नुभएको होईन– परराष्ट्र मन्त्री डा. राणा

धनगढी, २५ माघ ।
परराष्ट्र मन्त्री डा. आरजु राणाले शेर बहादुर देउवा त्यत्तिकै शेर बहादुर नबनेको बताएकी छिन् ।

नेपाली काँग्रेस कैलालीको दोस्रो जिल्ला सम्मेलनको शुक्रवार उद्घाटन गर्दै परराष्ट्र मन्त्री डा. राणाले राणा आफ्नो लक्ष्य र उद्देश्यमा अविचलित रुपमा लागेकोले शेर बहादुर देउवा आजको अवस्थामा आईपुगेको बताईन् । उनले भनिन्, देउवा त्यत्तिकै शेर बहादुर बन्नुभएको होईन । गणेशमान सिंह त्यत्तिकै लौहपुरुष बन्नु भएको होईन । लक्ष्यलाई कहिल्यै बिर्सिन हुन्न ।
बीपी कोईरालाई त्यतिकै बीपी कोईराला बन्नु भयो । जेल पर्नुभयो । निर्वासनमा जानु भयो । तर लक्ष्यबाट कहिल्यै बिचलित हुनु भएन ।

परराष्ट्र मन्त्री डा. राणाले अविचलित रुपमा आफ्नो लक्ष्यका लागि जुट्न आम नेता तथा कार्यकर्ताहरुलाई आग्रह गरिन् ।
उनले सय दिने अभियानबाट काँग्रेसको सांगठनिक र बैठकको अवस्था निराशाजक रहेको पाईएको बताईन् । हाम्रो बानी अन्तिम समयमा सक्रिय हुनेछ, उनले भनिन्, २०८४ का लागि अहिलेदेखि नै जुट्न जरुरी छ । तिक्तता र साना कुरालाई विर्सेर पार्टी र संगठनलाई मजबुत बनाउन सबै एकजुट हुन आवश्यक छ ।