अन्तर्राष्ट्रिय महिला फुटबल प्रतियोगिताका लागि ३९ खेलाडी बन्द प्रशिक्षणमा

काठमाडौं । अखिल नेपाल फुटबल संघ (एन्फा) द्वारा फागुन ५ देखि १४ गतेसम्म दशरथ रंगशालामा आयोजना हुने अन्तर्राष्ट्रिय महिला फुटबल प्रतियोगिताका लागि नेपाली राष्ट्रिय महिला टोलीका ३९ खेलाडी बन्द प्रशिक्षणमा बोलाइएको छ।

राष्ट्रिय टोलीका मुख्य प्रशिक्षकमा पुनः नियुक्त भएका राजेन्द्र तामाङले प्रारम्भिक सूचीमा ३९ खेलाडी छनोट गरेका छन्।

बन्द प्रशिक्षण माघ १८ गतेदेखि सुरु हुनेछ। प्रतियोगितामा नेपालसहित किर्गिस्तान, लेबनान र म्यानमारको सहभागिता रहनेछ। खेलहरु फिफा विन्डो अन्तर्गत हुने भएकाले अन्तर्राष्ट्रिय मान्यता प्राप्त गर्नेछन्।

बन्द प्रशिक्षणका लागि बोलाइएका खेलाडीहरू:

अञ्जिला तुम्बापो सुब्बा, अञ्जना राना मगर, उषा नाथ, अमृता जैशी, गीता राना, विमला बिके, निशा ठोकर, समिक्षा घिमिरे, पूजा राना, अनिता बस्नेत, अमिषा कार्की, अनिता केसी, प्रीति राई, विमला चौधरी, रेनुका नगरकोटी, सरु लिम्बु, सबित्रा भण्डारी, रेखा पौडेल, रश्मी कुमारी घिसिङ, सबिता राना मगर, सजनी ठोकर, चन्द्रा भण्डारी, रेनुका हमाल, सम्झना लावती, सबित्री किशन, साहरा लिम्बु, सुष्मा तामाङ, मनमाया दमाई, हेमा चौधरी, सुजाता तामाङ, बिर्सना चौधरी, सुक्रिया मियाँ, प्रतीक्षा चौधरी, सेमिहाङ्मा लिम्बु पन्धाक, मीना देउवा, पुष्पा कुमारी खड्का, यशोदा शाही, ममता पुन र झुमा विश्वकर्मा।