मुख्यमन्त्री शाहद्धारा दृश्यमा सुदूरपश्चिम बिमोचन

धनगढी, २२ मंसिर ।
मुख्य मन्त्री कमल बहादुर शाहले सुदूर पश्चिममा छायांकन गरिएका म्युजिक गीतहरुको संगालो दृश्यमा सुदूरपश्चिम बिमोचन गरेका छन् ।

एभरेष्ट ग्यालरीले उत्पादन गरेको दृश्यमा सुदूरपश्चिमको शुक्रवार धनगढीमा आयोजित एक समारोहमा प्रमुख अतिथि मुख्यमन्त्री शाहले बिमोचन गरेका हुन् ।

मुख्यमन्त्री शाहले सुदूरपश्चिमको जनजीवन र परिवेशलाई समेटेर तयार पारिएको म्युजिक गीतहरुको संगालो दृश्यमा सुदूरपश्चिमबाट सुदूर पश्चिमको पर्यटन प्रबद्र्धन हुने विश्वास गरे ।

सुदूरपश्चिम प्रदेश प्रज्ञा प्रतिष्ठानका उपकुलपति टीएन जोशी यस्ता म्युजिक भिडिओहरुको उत्पादनबाट सुदूर पश्चिमको भाषा र संस्कृति र पर्यटकीय क्षेत्रको प्रबद्र्धन हुने बताए ।

कार्यक्रमका अतिथिहरुले सुदूर पश्चिमको जीवन र परिवेशलाई चिनाउन यस्ता म्युजिक गीतहरुले योगदान पु¥याउने चर्चा गरे ।

सुदुर पश्चिममका चर्चित मोडेल तथा कलाकार सनम कठायतले एभरेष्ट ग्यालरीले थालनी गरेको सानो प्रयासलाई राष्ट्रिय अभियानको रूपमा स्थापना गर्न सहयोग गरेर आफ्नो हौसला बढाएकोमा  सबैलाई धन्यवाद दिए ।

म्युजिक भिडिओमा सुदूरपश्चिम प्रदेशको समसामयीक कथा र परिवेशलाई सुन्दर तरिकाले प्रस्तुत गरिएको कठायतले बताए ।

सुदूरपश्चिम प्रज्ञा प्रतिष्ठान मुख्य प्रवद्र्धन, कैलाली उद्योग बाणिज्य संघ प्रवद्र्धन र जोरायल गाउँ पालिका डोटीको विशेष सहयोगमा उत्पादन गरिएको म्युजिक भिडिओको बिमोचन समारोहमा प्रतिनिधि सभा सदस्य तारा लामा तामाङ, सामाजिक विकास मन्त्री मेघराज खड्का, आन्तरिक मामिला मन्त्री हिरा सार्की, उद्योग, पर्यटन, वन तथा वातावरण मन्त्री लक्ष्मण किशोर चौधरी, प्रदेश सभा सदस्य शिव सिंह ओली, जोरायल गाउँ पालिका अध्यक्ष दुर्गा ओझा, कैलारी गाउँ पालिका अध्यक्ष राजसमझ चौधरी लगायतको उपस्थिति रहेको थियो ।

सुदूरपश्चिम प्रदेश प्रज्ञा प्रतिष्ठानका उपकुलपति टीएन जोशीको अध्यक्षतामा सम्पन्न कार्यक्रमको सञ्चालन केपी कलौनीले गरेका थिए ।

शुक्रवार बिमोचन गरिएको दृष्यमा सुदूर पश्चिममा भुल्नै गाह्रो भो, सय वर्ष र माया गर्ने जोडी बोलका तीन वटा गीत समेटिएका छन् ।  म्युजिक भिडिओमा सुदूरपश्चिम प्रदेशको समसामयीक कथा र परिवेश समेटिएको छ । सुदूरपश्चिम प्रदेशको कैलारी गाउँपालिका तथा डोटी जोरायल गाउँ पालिका क्षेत्रमा छायांकन गरिएको दृश्यमा सुदूरपश्चिममा दुई वटा म्युजिक गीतहरु समावेश छन् । सनम कठायत र पवित्रा साँकीको उत्कृष्ट प्रस्तुती रहेको उक्त म्युजिक भिडियोमा जोरायल गाउँ पालिका अध्यक्ष दुर्गा दत्त ओझा लगायत थुप्रै कलाकारले अभिनय रहेको छ ।

मोडेल तथा कलाकार सनम कठायत र पवित्रा साँकीको उत्कृष्ट प्रस्तुती रहेको उक्त म्युजिक भिडियोमा जोरायल गाउँ पालिका अध्यक्ष दुर्गा दत्त ओझा लगायत थुप्रै कलाकारले अभिनय रहेको छ ।

जोरायल गाउँ पालिका र भारतमा छायांकन गरिएको उक्त म्युजिक भिडियोमा दिपक गीरीको छायांकन, अमृत चापागाईंको सम्पादन र जनक सिंहको निर्देशन रहेको छ  ।

सोही कार्यक्रममा सुदूर पश्चिममा बिभिन्न बिधा र क्षेत्रमा योगदान पु¥याएका व्यक्तिहरुलाई सम्मान गरिएको थियो ।

साहित्यकार निर्मल कुमार भण्डारीलाई साहित्य सम्मान, खप्तड छान्ना गाउँ पालिका अध्यक्ष उत्तम रोकायालाई एभरेष्ट पर्यटन प्रवर्द्धन सम्मान, देउडा गायक भुवन दाहाललाई एभरेष्ट देउडा रत्न सम्मान, माया प्रकाश भट्टलाई एभरेष्ट पर्यटन सम्वद्र्धन सम्मान, चित्राङ्ग थापालाई पत्रकारिता सम्मान, किरण मल्ललाई युवा समाजसेवी र उद्यमी सम्मान, योगेन्द्र हमाललाई शिक्षा तथा समाजसेवी सम्मान, खड्क मल्ल लाई कृषि उद्यमी सम्मान र भरत बिक्रम शाहलाई युवा पर्यटन प्रचारप्रसार सम्मान प्रदान गरिएको थियो ।

एभरेष्ट ग्यालरीले यसवर्षदेखि बिभिन्न बिधामा योगदान पु¥याएका व्यक्तिहरुलाई सम्मान गर्न थालेको जनाएको छ ।