१८ महिनापछि शेर बहादुर देउवा प्रधानमन्त्री- प्रधानमन्त्री ओली
काठमाडौँ, २० मंसिर ।
प्रधानमन्त्री केपी शर्मा ओलीले नेपाली काँग्रेससंगको सहमती चुनावसम्मको लागि भएको बताएका छन् ।
चीनको चार दिने औपचारिक भ्रमण सकेर फर्किएका प्रधानमन्त्री ओलीले त्रिभुवन अन्तर्राष्ट्रिय विमानस्थलमा आयोजित पत्रकार सम्मेलनमा ओलीले कांग्रेस र एमाले गठबन्धन सरकार आगामी निर्वाचनसम्मै रहने बताए ।
मेरो पालो अब १८ महिना छ, त्यसपछि शेरबहादुर देउवाजीलाई मैले हस्तान्तरण गर्छु । उहाँले डेढ वर्ष चलाउनु हुन्छ, निर्वाचन गराउनु हुन्छ,ओलीले भने, हाम्रो चुनावसम्मको एग्रिमेन्ट छ ।
आफ्नो कार्यकाल १८ महिनामा सकिने र त्यसपछि कांग्रेस सभापति शेरबहादुर देउवाले संसद्को निर्वाचन गराउने बताए ।
निर्वाचनमा सबै राजनीतिक दलले बहुमत ल्याउने कोसिस गर्ने प्रधानमन्त्री ओलीको भनाइ थियो । चुनावमा हामी हरेकले बहुमत ल्याउने कोसिस गरौँला, आउँछ भन्ने हामीलाई विश्वास छ । विश्वासअनुसार बहुमत आयो भने बहुमतको सरकार बन्ला, नत्र अरु तरिका होलान्,’ ओलीले भने ।
प्रधानमन्त्री ओलीले चीन भ्रमणका क्रममा पोखरा अन्तर्राष्ट्रिय विमानस्थलबारे कुनै कुरा नउठेको बताए ।
ट्रेन्डिङ
सम्बन्धित
