एनपीएलको अभ्यास खेल: पोखरा र विराटनगर भिड्दै

काठमाडौं- नेपाल प्रिमियर लिग (एनपिएल) शुरु हुन दुई दिन मात्र बाँकी छँदा फ्रेन्चाइजी टोली पोखरा एभेन्जर्स र विराटनगर किंग्सबीच अभ्यास खेल खेल्दैछन्।

अभ्यास खेल विहान साढे ११ बजे माथिल्लो मुलपानी क्रिकेट मैदानमा शुरू हुनेछ। स्वदेशी र विदेशी खेलाडीलाई घुलमिल गराउन तथा टोलीको कमजोरी थाहा पाएर त्यसमा काम गर्नका लागि अभ्यास खेलले सहयोग गर्छ।

यसअघि पनि फ्रेन्चाइजी टोलीहरुले मुलपानीमा अभ्यास खेल खेलिरहेका छन्।

पहिलो अभ्यास खेलमा कर्णाली याक्सले काठमाडौं गुर्खाजलाई पराजित गर्दा दोस्रो खेलमा जनकपुर बोल्ट्सले लुम्बिनी लायन्सलाई हराएको थियो।