कोप–२९ मा नेपाली युवाले गरे प्रदर्शन

जलवायु न्यायको लागि नेपाली युवाहरूले अजरबैजानको बाकुमा प्रदर्शन गरेका छन्। मंगलबार अजरबैजानको बाकुमा जलवायु परिवर्तनसम्बन्धी संयुक्त राष्ट्रसङ्घीय संरचना महासन्धि (युएनएफसीसीसी)का पक्ष राष्ट्रहरूको २९औँ सम्मेलन (कोप–२९)  चलिरहँदा नेपाली युवाको समूहले प्रदर्शन गरेका हुन।नेपाली युवाको समूहलाई केही विदेशीहरूले पनि साथ दिएका थिए।

धनी देशले गर्ने कार्बन उत्सर्जनबाट नेपाल जस्ता विकासोन्मुख  तथा पर्वतीय देशहरूले क्षति भोग्नु परिरहेकाले  सोबापत न्यायपूर्ण तवरबाट सहयोग उपलब्ध हुनु पर्ने प्रदर्शनकारीहरूको माग थियो। नोभेम्बर ११ बाट सुरु भएको (कोप–२९) को बैठक नोभेम्बर २२ सम्म चल्नेछ।