अल्लु अर्जुनको ‘पुष्पा–२’ मंसिर २१ मा रिलिज हुने

एजेन्सी ।
पुष्पाको अपार सफलतापछि बलिउड स्टार अल्लु अर्जुनको चलचित्र ‘पुष्पा २’ ६ डिसेम्बर (मंसिर २१) मा रिलिज हुने भएको छ ।

निर्माण पक्षले यस अघि अगस्त १५ मा रिलिज हुने भनिएको पुष्पा २ को लाई ६ डिसेम्बरमा रिलिज गर्ने निर्णय गरेका हुन् ।

सार्बजनिक बिदामा रिलिज गरेको भए फिल्मले ओपनिङ डेमा हिन्दी बेल्टमा मात्र करिब ९५ करोड कमाउन सक्ने थियो । तर अब फिल्मले हिन्दी बेल्टमा मात्रै ६५ करोड रुपैयाँसम्म कमाउन सक्ने बताइएको छ ।

यसरी हेर्दा रिलिज मिति परिवर्तनका कारण फिल्मले करिब ३० करोड घाटा बेहोर्नु पर्नेछ । यदि फिल्म १५ अगस्टमा रिलिज भएको भए ४ दिनको लामो साताको विन्डो पाउने थियो ।

रिलिज अघि सार्वजनिक भएका दुई गीत ‘पुष्पा पुष्प’ र ‘अंगारौं’ युट्युबमा हिट भएका छन् । चलचित्र पुष्प २ लाई सुकुमारले निर्देशन गर्दैछन् । पहिलो भाग पनि उनले निर्देशन गरेका थिए । मिडिया रिपोर्टका अनुसार यो फिल्म ५०० करोडको बजेटमा बनिरहेको छ । फिल्ममा अल्लु अर्जुन, रश्मिका मन्डन्ना र फहद फासिल देखिनेछन् ।

यसअघि २०२१ मा रिलिज भएको ‘पुष्पाः द राइज’ वर्षको सबैभन्दा धेरै कमाउने भारतीय फिल्म बनेको थियो । सबै संस्करणहरू सहित, यो फिल्मले भारतमा ३१३ करोड र विश्वव्यापी रूपमा ३५० करोडको व्यापार गरेको थियो ।