धनगढीबाट ३६ किलो चरेस बरामद
२९ कार्तिक २०८१ ४:३७
धनगढी, २९ कात्तिक ।
प्रहरीले बुधवार कैलालीको धनगढी उपमहानगरपालिका ५ लब्ली चौकबाट ३६ किलो चरेस बरामद गरेको छ ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक (डीएसपी) कबिन्द्रसिंह बोहराले बुधबार साँझ धनगढी उपमहानगरपालिका-५ को लब्ली चोकमा १०७२ नम्बरको एनएस प्लसर जाँच गर्नेक्रममा ३६ किलो ६६५ ग्राम चरेस बरामद गरिएको बताए ।
वडा प्रहरी कार्यालयका प्रमुख प्रहरी निरीक्षक योगेश खत्री नेतृत्वको टोलीले लब्ली चोकमा मोटरसाइकल चेकजाँच गर्दा चरेस बरामद गरेको हो ।
चरेस बोकेको १०७२ नम्बरको एनएस प्लसरका चालक र पछाडि सवार व्यक्ति भने पक्राउ परेनन । उनीहरुको खोजी भईरहेको प्रहरीले जनाएको छ ।
ट्रेन्डिङ
ताजा समाचार
सम्बन्धित
