सुदूरपश्चिमका पण्डित ईजरायलको राजदूतमा नियुक्त

काठमाण्डौं, २१ कात्तिक ।
इजरायलको राजदूतमा प्राध्यापक धनप्रसाद पण्डित नियुक्त भएका छन् ।
मन्त्रिपरिषद्को सिफारिस र संसदीय सुनुवाइ समितिको अनुमोदनपछि राष्ट्रपतिले रामचन्द्र पौडेलले पण्डितलाई बुधबार राजदूतमा नियुक्त गरेका हुन् ।

राष्ट्रपतिले नेपालको संविधानको धारा २८२ उपधारा (१) बमोजिम नेपाल सरकार, मन्त्रिपरिषद्को सिफारिसमा प्राध्यापक पण्डितलाई इजरायलका लागि नेपालको आवासीय राजदूत पदमा नियुक्त गरेको राष्ट्रपति कार्यालयका सूचना अधिकारी अर्चना खड्काले जनाएकी हुन् ।

संसदीय सुनुवाइका क्रममा पण्डितले इजरालय गएपछि प्यालेस्टाइन युद्ध अन्त्यका लागि पहल गर्ने बताएका थिए । प्यालेस्टाइनलाई पनि बाँच्न दिनुपर्ने पण्डितको भनाइ थियो ।

सुदूर पश्चिमको बझाङ स्थायी घर भएका पण्डित लामो समयदेखि प्राध्यापन गर्दै आएका छन् ।