अमेरिकामा शनिबार साँझसम्म ३ करोड ९५ लाख (३९.५ मिलियन)अमेरिकीहरूद्वारा अग्रिम मतदान ,ह्यारिसलाई समर्थन गर्न मिशेल ओबामा मिसिगनमा

अमेरिकामा शनिबार साँझसम्म ३ करोड ९५ लाख (३९.५ मिलियन)अमेरिकीले अग्रिम मतदान गरेका छन् ।

युनिभर्सिटी अफ फ्लोरिडा इलेक्शन ल्याब नामक संस्थाको तथ्यांकअनुसार शनिबार साँझसम्म ३९.५ मिलियन अर्थात् ३ करोड ९५ लाख अमेरिकी मतदाताहरुले अग्रिम रुपमा मतदान गरेका छन्।

ती प्रारम्भिक मतहरू बहुमत मेल मतपत्रबाट आएका हुन् । जसमा २०.५ मिलियन भन्दा बढी मेल मतपत्रहरू राष्ट्रिय रूपमा फर्किएको तथ्यांकले देखाएको छ। बाँकी १९ मिलियन अर्थात् १ करोड ९० लाख अमेरिकाभरिका विभिन्न राज्यहरुमा व्यक्तिगत रुपमा मतदानबाट मतदान स्थलहरूमा खसेका हुन् ।

अब अग्रिम रुपमा मतदान ५० वटै राज्यहरूमा खुला गरिएका छन् छन्। अग्रिम मतदान चुनावको दिन भन्दा अघिल्लो सप्ताहन्त सम्म रहन्छ। यसै गरि चुनाव प्रचार गर्ने क्रममा पूर्व प्रथम महिला मिशेल ओबामा ह्यारिससँग मिसिगनमा केही समय बिताइन ।

पूर्व प्रथम महिला मिशेल ओबामाले उपराष्ट्रपतिलाई परिचय दिनु अघि मिशिगनको कलामजुको मञ्चमा पुगेकी थिइन्।