प्रदेश स्काउट परिषदको बैठक सम्पन्न

कैलाली । नेपाल स्काउट सुदूरपश्चिम प्रदेशको आयोजनामा प्रदेश स्काउट परिषदको पहिलो बैठक सम्पन्न भएको छ ।

सामाजिक विकास मन्त्रालयको सभाहलमा नेपाल स्काउट नियमावली २०७७ संशोधन २०८० को परिच्छेद–५ को दफा ९ बमोजिम नेपाल स्काउट सुदूरपश्चिम प्रदेश स्काउट परिषदको प्रथम बैठक सम्पन्न भएको हो ।

सामाजिक विकास मन्त्री तथा स्काउट प्रदेश प्रमुख मेघराज खड्काको अध्यक्षतामा तथा नेपाल स्काउट सुदूरपश्चिम प्रदेश प्रमुख आयुक्त नरेन्द्र थापाको उपाध्यक्षतामा प्रदेश स्काउट परिषद् गठन सम्पन्न भएको हो ।

प्रदेश परिषद् बैठकमा सामाजिक मन्त्रालयका उपसचिव गणेश सिह, सामाजिक मन्त्रालयका निजी स्वकीय सचिव श्री झपट ढुङ्गाना, निजि सचिव महेन्द्र साउँद, नेपाली सेनाका सेनानी (मेजर) विपेन आचार्य, सशस्त्र प्रहरीबल एसपी दलबहादुर पाण्डे, नेपाल प्रहरीका एसपी राजिव बहादुर बस्नेत, शिक्षक महासंघ प्रतिनिधि मोहित सिंह भण्डारी र निर्वाचित सबै परिषद सदस्यको उपस्थिति रहेको थियो ।

बैठकले कार्यकारी परिषद गठन गरी बार्षिक कार्यक्रम बजेट तथा कार्यक्रम पारित गरेको छ । कार्यक्रम सञ्चालन प्रदेश अधिकृत हेमराज जोशीले गर्नु भएको थियोे ।