नदीमा डुबेर तीन बालिकाको मृत्यु

दाङ, ८ कात्तिक ।
दाङको लमही नगरपालिका–२ रनियाँपुरका तीन जना बालिकाको राप्ती नदीमा डुबेर ज्यान गएको छ।

जिल्ला प्रहरी कार्यालय दाङका प्रहरी प्रवक्ता ईश्वर थापाका अनुसार लमही नगरपालिका–२ रनियाँपुर निवासी १२ वर्षीया झरना चौधरी, निशा चौधरी र गढवा गाउँपालिका–४ खडकपुर घर भई हाल लमही नगरपालिका–५ लमही गल्ली बस्ने १२ वर्षीय कृष्टी चौधरीको राप्ती नदीमा नुहाउने क्रममा दिउँसो करीव २ :४५ डुबेर मृत्यु भएको हो ।

मृतक बालिकाको शव पोष्टमार्टमका लागि लमही अस्पतालमा राखिएको छ।

प्रहरीका अनुसार मृतक झरना कक्षा–४, निशा ६, कृष्टी कक्षा ८ मा अध्ययनरत थिईन ।