बालुवाटारमा सत्तारुढ दलको बैठक जारी

काठमाडौँ, ७ कार्तिक प्रधानमन्त्री निवास बालुवाटारमा सत्तारुढ दलको बैठक सुरु भएको छ ।

प्रधानमन्त्री केपी शर्मा ओलीको सचिवालयका अनुसार केही बेरअघि बालुवाटारमा सत्तारुढ दलहरुको बैठक शुरु भएको हो ।
प्रधानमन्त्री ओलीले सरकारको १०० दिनको प्रगति विवरण सार्वजनिक गर्नुअघि सत्तारुढ दलको बैठक बोलाएका हुन् ।

आज दिउँसो प्रधानमन्त्री ओलीले सरकारका सय दिनका उपलब्धी सार्वजनिक गर्ने कार्यक्रम तय भएको छ ।
बैठकमा सरकारका कामकारबाही तथा समसामयिक राजनीतिक विषयमाथि छलफल भईरहेको बताइएको छ ।

एमाले अध्यक्ष ओलीलाई असार ३० गते राष्ट्रपति रामचन्द्र पौडेलले प्रधानमन्त्री नियुक्त गरेका थिए । माओवादी-रास्वपा लगायतका दलको गठबन्धन टुटाएर एमालेले कांग्रेससँग मिलेर सरकार बनाएको थियो । ओलीलाई कांग्रेस, जनता समाजवादी पार्टी, लोकतान्त्रिक समाजवादी पार्टी, जनमत पार्टी, नागरिक उन्मुक्ति पार्टी र जनता समाजवादी पार्टी नेपाल समर्थन गरेका  छन् । जनमत र जसपा नेपालले भने सरकारबाहिरै रहेर उनलाई समर्थन गरेका हुन् ।