डेउडा गायक स्वर्गीय बोगटीको श्रद्धाञ्जली सभा सम्पन्न

यसैबिच श्रद्धाञ्जली सभामा स्वर्गीय बोगटीको नाममा अक्षय कोष स्थापना गर्ने घोषणा गरिएको छ । त्यसका लागि संघ, प्रदेश र स्थानीय सरकार लगायत सम्पूर्ण संघसंस्था, व्यक्तिहरू सबैलाई सहयोग गर्न आह्वान गरिएको छ । सबैको साझा व्यक्ती भएकाले यो कोष सबैको साझा रूपमा सञ्चालन गरिने डेउडा प्रतिष्ठानका केन्द्रीय वरिष्ठ उपाध्यक्ष सुरत रावत (डोटेली कान्छा)ले बताए ।

स्वर्गीय बोगटी पूर्वराष्ट्र सेवक कर्मचारीदेखि, डेउडा प्रतिष्ठान केन्द्रीय कार्य समितिका अध्यक्ष ,राष्ट्रिय लोक तथा दोहोरी गीत प्रतिष्ठान कैलाली जिल्लाका पूर्व अध्यक्ष ,राष्ट्रिय लोक तथा दोहोरी गीत प्रतिष्ठान  सुदूरपश्चिम प्रदेशका पूर्वउपाध्यक्ष, नेपाल सांस्कृतिक महासंघ कैलाली जिल्ला सदस्य ,सुदूरपश्चिम साहित्य समाज सदस्य ,नेपाल सांस्कृतिक कलाकर्मी संघ कैलाली जिल्लाका पूर्वअध्यक्ष ,लगायत दर्जनौँभन्दा बढी संघ संस्थामा आबद्ध पनि रहेका थिए ।