छविलाल जोशीको बन्दी प्रत्यक्षीकरणको रिट खारेज

काठमाडौं । सर्वोच्च अदालतले पोखराको सूर्यदर्शन सहकारी ठगीको आरोपमा पक्राउ परेका छविलाल जोशीको तर्फबाट दायर भएको बन्दी प्रत्यक्षीकरणको रिट खारेज गरेको छ ।

अधिवक्ता रोचक जोशीले जोशीको तर्फबाट दायर गरेको बन्दी प्रत्यक्षीकरणको रिटलाई सर्वोच्चले खारेज गरेको हो ।

न्यायाधीशद्वय तिलप्रसाद श्रेष्ठ र अब्दुल खजीज मुसलमानको संयुक्त इजलासले निवेदकलाई गैरकानुनीरूपमा थुनामा राखिएको भन्न मिल्ने नदेखिँदा मागबमोजिम बन्दी प्रत्यक्षीकरणको आदेश जारी गर्न नमिलएको फैसला गरेको हो ।

पोखराको सूर्यदर्शन सहकारी ठगीको आरोपमा पक्राउ परेका जोशी कास्की प्रहरी हिरासतमा छन् ।