शिगेरु इशिबा जापानको प्रधानमन्त्रीमा निर्वाचित

टोकियो ।
एजेन्सी
जापानको सत्तारुढ लिबरल डेमोक्र्याटिक पार्टीका नेता शिगेरू इसिबा जापानको प्रधानमन्त्रीमा निर्बाचित भएका छन् ।

ईसिबा मंगलबार संसद्को दुवै सदनबाट बहुमत प्राप्त गर्दै औपचारिक रूपमा जापानको प्रधानमन्त्रीमा निर्वाचित भएका हुन् ।
नवनिर्वाचित इसिबाले देशमा बढ्दै गएको आर्थिक मन्दीको सम्बोधनका लागि अक्टोबर २७ का लागि आकस्मिक निर्वाचन बोलाउन चाहेको बताएका छन् । ।

एलडिपीको बहुमत रहेको जापानी संसद्ले मंगललबार इसिबाको नियुक्तिलाई अनुमोदन गरेको छ भने बुधबार नयाँ मन्त्रिपरिषद् घोषणा गर्ने अपेक्षा गरिएको छ ।

पूर्वमुख्य क्याबिनेट सचिव कत्सुनोबु काटोलाई अर्थमन्त्री बन्ने सुझाव दिइएको तथा जनरल नाकातानीले रक्षा र ताकेसी इवायाको विदेश मामिला लिने स्थानीय सञ्चारमाध्यमले जनाएको छ ।