पश्चिम एसियामा देखिएको द्वन्द्वको स्थितिप्रति भारतद्वारा चिन्ता व्यक्त

भारतले पश्चिम एसियामा देखिएको द्वन्द्वको स्थितिप्रति चिन्ता व्यक्त गरेको छ। भारतीय विदेश मन्त्रालयले बुधवार आफ्ना नागरिकका लागि एडभाइजरी जारी गर्दै ईरान यात्रा नगर्न पनि आग्रह गरेको छ।

विदेश मन्त्रालयको पत्रमा पश्चिम एसियाली क्षेत्रको सुरक्षा स्थितिमाथि सरकारले निगरानी गरिरहेको बताइएको छ। साथै भारतीय नागरिकलाई ईरानमा अनावश्यक यात्रा नगर्न तथा आवश्यक परे ईरानस्थित भारतीय दूतावासमा सम्पर्क गर्न आग्रह गरिएको छ।

भारत सरकार पश्चिम एशियामा सुरक्षाको स्थितिप्रति चिन्तित रहेको भन्दै नागरिकका सुरक्षाका लागि संयमता अपनाउन पनि अपील गरिएको छ। साथै सबै मुद्दामा कुटनीतिक रुपले कुराकानी गरेर समस्यको समाधानका लागि पनि आह्वान गरिएको छ।

मङ्गलवार ईरानले इजरायलमाथि १ सय ८० मिसाइल आक्रमण गरेको छ। ईरानको आक्रमणमा कुनैपनि मानवीय क्षति भने भएको छैन। तर, ईरानी आक्रमण पछि विश्वस्तरमै हलचल मचेएको छ।