बाढीपहिरोबाट साढे १६ अर्बको क्षति
१५ असोज २०८१ १३:४९
काठमाडौं । बिहीबारदेखि आइतबार साँझसम्म परेको वर्षाका कारण गएको बाढीपहिरोबाट साढे १६ अर्बको क्षति भएको छ।
मंगलबार प्रधानमन्त्री तथा मन्त्रिपरिषद्को कार्यालय सिंहदरबारमा पत्रकार सम्मेलनमा मुख्यसचिव एकनारायण अर्यालले सो जानकारी दिएका हुन्।
उनका अनुसार भौतिक पूर्वाधारतर्फ खानेपानीका संरचनामा ३ अर्ब ५५ करोड, सडक संरचनामा २ अर्ब ५२ करोड, ऊर्जाका पूर्वाधारमा ४ अर्ब, सडक संरचनामा २ अर्ब ५२ करोड क्षति भएको हो।
त्यस्तै कृषितर्फ भने ५ अर्ब ४९ करोड क्षति भएको प्रारम्भिक विवरण रहेको छ।
बाढीपहिरोबाट २१ जिल्ला बढी प्रभावित भएका छन्। बाढीपहिरोमा परी अहिलेसम्म २२४ जनाको मृत्यु भएको छ भने २४ जना बेपता छन्। १ सय ५८ जना घाइते भएका छन् भने ४ हजार ३ सय ३१ जनाको हेलिकप्टरबाट उद्धार गरिएको छ।
ट्रेन्डिङ
सम्बन्धित
