आईफोन १६ सिरिजको मूल्य कति ?

न्यूयोर्क,

आईफोन १६ सिरिजको पहिलो लहरको खुला बिक्री शुरु भईसकेको छ । तर यसको मूल्य विश्व बजारमा भने फरक फरक छ ।

यस वर्षको आईफोन १६ सिरिजमा आईफोन १६ र आईफोन १६ प्लस गरी दुई बेस (आधार) मोडेलहरू उपलब्ध छन् भने आईफोन १६ प्रो र आईफोन १६ प्रो म्याक्स गरी दुई फ्ल्यागशिपहरू समावेश गरिएका छन्।

पहिलो चरणमा नयाँ आईफोनहरू अष्ट्रेलिया, क्यानडा, चीन, फ्रान्स, जर्मनी, भारत, जापान, मलेसिया, मेक्सिको, दक्षिण कोरिया, टर्की, युएई, बेलायत र अमेरिका लगायत ५८ देशमा उपलब्ध गरेको एप्पल कम्पनीले सेप्टेम्बर २७ तारिखदेखि थप २१ देशहरूमा उपलब्ध गराएको छ ।